Cricket World Cup 2023: கிரிக்கெட் உலககோப்பையுடன் மீனா…..

இந்திய நடிகர்களிலேயே முதல்முறையாக இத்தனை பெரிய அங்கீகாரம் கிடைத்திருப்பதாக நடிகை மீனா பதிவிட்டுள்ள இன்ஸ்டாகிராம் போஸ்ட் ரசிகர்களை ஆச்சர்யத்தில் ஆழ்த்தி உள்ளது.

வரும் அக்டோபர் மாதம் உலக நாடுகள் மோதும் ஐசிசி உலக கோப்பை கிரிக்கெட் போட்டி நடைபெற உள்ளது. இந்நிலையில், அதனை முன்னிட்டு பிரான்ஸ் தலைநகர் பாரீஸில் நடைபெற்ற நிகழ்ச்சியில் உலக கோப்பை 2023ஐ அறிமுகப்படுத்தி உள்ளார் நடிகை மீனா.

கணவர் வித்யாசாகர் மறைவுக்கு பிறகு பெரும் துயரில் ஆழ்ந்திருந்த நடிகை மீனாவுக்கு திரையுலகமே ஒன்று திரண்டு நிகழ்ச்சி நடத்தி உற்சாகப்படுத்தியிருந்தது குறிப்பிடத்தக்கது.

தனது இன்ஸ்டாகிராமில் அந்த போட்டோக்களை ஷேர் செய்துள்ள நடிகை மீனா விரைவில் நடைபெற உள்ள ஆண்களுக்கான உலக கோப்பை கிரிக்கெட் போட்டியின் வெற்றிக் கோப்பையை அறிமுகப்படுத்தும் பாக்கியம் எனக்கு கிடைத்ததில் மகிழ்ச்சி எனக் கூறியுள்ளார்.

இதுவரை எந்தவொரு இந்திய நடிகருக்கும் கிடைக்காத பெருமைக்குரிய அங்கீகாரம் எனக்கு கிடைத்திருப்பதில் ரொம்பவே மகிழ்ச்சியாக உள்ளேன் என்று பிரான்ஸ் தலைநகர் பாரீஸ் நகரில் உள்ள உலக அதிசயமான ஈஃபிள் டவருக்கு கீழே நின்று உலக கோப்பையை நடிகை மீனா அறிமுகப்படுத்தி உள்ளார்.

நடிகை மீனாவுக்கும் உலக கோப்பைக்கும் என்ன சம்மந்தம் என ரசிகர்கள் ஒரு பக்கம் கேள்விகளை எழுப்பியும், நீங்க எங்கேயோ போயிட்டீங்க மீனா மேடம் என கமெண்ட்டுகளை போட்டு வாழ்த்தியும் வருகின்றனர்.

தொடர்புடைய செய்திகள்:

“இதுபோதும் தல” முழு உலகமே கொண்டாடிய மகத்தான வெற்றி… நெகிழ்ச்சியான நிமிடங்களின் தொகுப்பு….. “LPL season-4” அதிரடியாக களமிறங்கினார் சுபாஸ்கரன் ஜவான் படத்தில் நடிக்க நயன்தாராக்கு இத்தனை கோடி சம்பளமா? விடாமுயற்சியில் இருந்து த்ரிஷா அவுட்? 9 வருடங்களுக்கு பிறகு மீண்டும் அஜித்துடன் இணையும் இந்த டாப் நடிகை?