உக்ரைன் புதிய அணிதிரட்டுச் சட்டத்தை ஏற்றக்கொண்டுள்ளது. உக்ரைனிய நாடாளுமன்றம் பல மாதங்கள் நடைபெற்ற விவாதங்களுக்குப் பிறகு கடந்த வாரம் இந்த நடவடிக்கை எடுக்கப்பட்டுள்ளது. புதிய சட்டம் இரண்டு ஆண்டுகளுக்கும் மேல் நடைபெற்று வரும் போரால் சோர்வடைந்திருக்கும் படைவீரர்களுக்குப் பதில் புதியவர்களைச் சேர்ப்பதற்கும் வளங்களைக் கூட்டுவதற்கும் வழி விடுகிறது. படைக்களத்தில் உக்ரேனிய வீரர்களைவிட ரஷ்ய வீரர்கள் அதிகம் உள்ளனர். போரின் ஆரம்பம் தொட்டுப் போரிட்டுவரும் வீரர்கள் பெரும்பாலும் தொடர்ந்து போர்க்களத்தில் நீடிப்பர் என்று எதிர்பார்க்கப்படுகிறது.

பிரான்ஸில் 70 வயதுடைய மூதாட்டி ஒருவரின் உடலம் ஜோந்தார்மினரால் அவரது இல்லத்தில் இருந்து மீட்கப்பட்டுள்ளது. இந்தச் சம்பவம் Meurthe-et-Moselle இலுள்ள Bertrichamps நகரத்தில் நடந்துள்ளது. இதன் பெரிய நகரான Nancy நகர நீதித்துறை, இதனை ஒரு கொலையாக விசாரிக்க, ஜோந்தார்மினரிற்குக் கட்டளை இட்டுள்ளது. 1947 ஆம் ஆண்டு பிறந்த, கொல்லப்பட்ட மொனிக் சுசே அவரின் வீட்டில், தடயவியல் துறையினரின் மேற்கொண்ட முதற்கட்டஆய்வில், இவரது வீட்டின் கதவு தெண்டித் திறக்கப்பட்ட அடையாளங்கள் பதிவு செய்யப்பட்டுள்ளன எனத் தெரிவிக்கப்பட்டுள்ளன.