சிகரெட் புகை காரணமாக 270 கோடி மக்களுக்கு பாதிப்பு
உலகளவில் புகைப்பிடிக்காத குழந்தைகள் உள்ளிட்ட 270 கோடிக்கும் அதிகமான மக்கள் மறைமுகமாக புகையை சுவாசித்ததன் காரணமாக நோய் தாக்கத்திற்கு உள்ளாகியுள்ளதாக ஆய்வொன்று வெளிப்படுத்தியுள்ளது.
இதன்காரணமாக 2023 ஆம் ஆண்டு 17 இலட்சம் மரணங்கள் ஏற்பட்டதாகவும் அந்த ஆய்வில் சுட்டிக்காட்டப்பட்டுள்ளது.
தி லான்செட்’ இதழில் வெளியிடப்பட்ட ஆய்வில், புகையிலை உலகளவில் நோய்களுக்கான ஒரு முக்கிய காரணமாகத் தொடர்கிறது என்றும், புகைப்பிடித்தல் தொடர்பான நோய்களால் இறந்ததாக மதிப்பிடப்பட்ட 80 இலட்சம் மக்களில் புகைப்பிடிக்காத பலரும் பாதிக்கப்பட்டுள்ளதாகவும் சுட்டிக்காட்டப்பட்டுள்ளது.
2023 ஆம் ஆண்டில் மறைமுகப் புகைக்கு ஆளான சுமார் 2.7 பில்லியன் மக்களில், 0 முதல் 14 வயதுக்குட்பட்ட 767 மில்லியன் குழந்தைகளும் அடங்குவர் என்று அந்த ஆய்வு கண்டறிந்துள்ளது.
“மறைமுகப் புகைக்கு ஆளாவது உலகளவில் அங்கீகரிக்கப்பட்ட ஒரு சுகாதார அபாயமாகும், இதை உள்ளிழுப்பதற்குப் பாதுகாப்பான அளவு எதுவும் இல்லை,” என்றும் ஆய்வறிக்கை கூறுகிறது.
