பிரித்தானியாவில் கைக்கடிகாரங்களை கொள்ளையிடும் திருடர்கள் : அதிக லாபம் பார்ப்பதாகவும் தகவல்!

பிரித்தானியாவில் விலை உயர்ந்த கைக்கடிகாரங்கள் திருடப்படுவதும், பின் திருடப்பட்ட கைக் கடிகாரங்கள் விற்கப்படுவதும் பாரிய அளவில் அதிகரித்துள்ளதாக தகவல் வெளியாகியுள்ளது.

விலையுயர்ந்த கடிகாரங்களைத் திருடி அவற்றை கறுப்புச் சந்தையில் விற்பது அதிகரித்துள்ள நிலையில், குற்றவாளிகள் அதிக லாபத்தை பெறுவதற்காக கடிகாரங்களை திருடி விற்பதை தொழிலாகக் கொண்டுள்ளதாக குறிப்பிடப்பட்டுள்ளது.

அதாவது, போதை மருந்து விற்பனையை விட விலை உயர்ந்த கடிகாரங்களை திருடுவதில் அதிக லாபம் கிடைப்பதாக முன்னாள் வாட்ச் டீலர் ஒருவர் தெரிவித்துள்ளார்.

லண்டனில் மதிப்புள்ள உயர்தர கடிகாரங்களைத் திருடினால், “சிலர் வாழ்நாளில் சம்பாதிப்பதை விட அதிகப் பணம் சம்பாதிக்கிறார்கள் என அவர் குறிப்பிட்டுள்ளார். சில கிரிமினல்களின் விரும்பமான குற்றமாக இது மாறியிருப்பதாகவும் அவர் குறிப்பிட்டுள்ளார்.

கடந்த 2015 ஆம் ஆண்டு இங்கிலாந்து, மற்றும் வேல்ஸில் பதிவுசெய்யப்பட்ட திருடப்பட்ட கைக்கடிகாரங்களின் எண்ணிக்கை 6,696 இல் இருந்து 11035 ஆக அதிகரித்துள்ளதாக புள்ளிவிபரங்கள் காட்டுகின்றன.

தொடர்புடைய செய்திகள்:

ஜெர்மனியில் ரயில் ஒன்றுடன் கார் மோதி விபத்து – மூவர் பலி! பிரான்ஸில் வேலை தேடுவோரின் எண்ணிக்கையில் ஏற்பட்டுள்ள மாற்றம் பிரான்ஸில் பெற்றோல் மற்றும் டீசல் விலையில் மாற்றம்! இங்கிலாந்தில் குத்திக்கொல்லப்பட்ட இந்திய வம்சாவளிச் சிறுவன்- சம்பவம் தொடர்பில் வெளியான காரணம்