இலங்கை : நுண்நிதி மற்றும் கடன் ஒழுங்குமுறை சட்டமூலம் குறித்து வெளியான அறிவிப்பு!
நுண்நிதி மற்றும் கடன் ஒழுங்குமுறை அதிகாரசபை சட்டமூலம் நாளை (09) பாராளுமன்றத்தில் சமர்ப்பிக்கப்படும் என நிதி இராஜாங்க அமைச்சர் ஷெஹான் சேமசிங்க தெரிவித்துள்ளார்.
இதன் மூலம் வாடிக்கையாளர்களின் பாதுகாப்பையும் கடன் வழங்கும் வர்த்தகத்தையும் உறுதி செய்ய எதிர்பார்க்கப்படுவதாக அமைச்சர் சுட்டிக்காட்டியுள்ளார்.
குறிப்பாக கிராமப்புற மக்களை இலக்காகக் கொண்டு சேவைகளை வழங்கும் நுண்நிதி நிறுவனங்கள் வழங்கும் சேவைகளை அரச தலையீட்டின் கீழ் இயங்குவதற்குப் பதிலாக அதிகாரசபையின் ஒழுங்குமுறையின் கீழ் மேற்கொள்வது தொடர்புடைய நிறுவனங்களுக்கு வசதியாக இருப்பதாக அமைச்சர் கூறினார்.
தினசரி வசூல் முறையின் கீழ் இயங்கும் சில நுண் நிதி நிறுவனங்கள் வருடாந்த வட்டி விகிதத்தை 300%க்கு மேல் வசூலித்த சம்பவங்கள் பதிவாகியுள்ளதாக அமைச்சர் சுட்டிக்காட்டினார்.
இதன் விளைவாக, தற்கொலைகள், குடும்ப தகராறுகள் மற்றும் சூழ்நிலைகள் கூட உருவாகியுள்ளதாக செய்திகள் வந்துள்ளன. இதன்படி, நுண்கடன் நிறுவனங்களின் தேவைகள் மற்றும் தற்போது நடைமுறைப்படுத்தப்படும் சேவைகளை கருத்திற்கொண்டு இந்த வரைவு மூலம் அவற்றின் சேவைகள் முறைப்படுத்தப்படும் என அமைச்சர் தெரிவித்தார்.
இந்தச் சட்டம் நிறைவேற்றப்பட்டதும், 2016 ஆம் ஆண்டின் தற்போதைய நுண்நிதிச் சட்டம் எண். 6 ரத்து செய்யப்படும்.
(Visited 1 times, 1 visits today)
