பிரிக்ஸ் உச்சிமாநாட்டிற்காக இந்தியா வந்தடைந்தார் புடின்

18வது பிரிக்ஸ் உச்சிமாநாட்டில் கலந்துகொள்வதற்காக ரஷ்ய அதிபர் விளாடிமிர் புடின் இந்தியா வந்துள்ளார்.

இந்த உச்சிமாநாடு நாளை மற்றும் நாளை மறுநாள் (12-13) புது தில்லியில் நடைபெறவுள்ளது.

இந்நிகழ்வின் போது, ​​ரஷ்ய ஜனாதிபதி இந்தியப் பிரதமர் நரேந்திர மோடியுடன்  பேச்சுவார்த்தை நடத்துவார் எனக் கூறப்படுகிறது

இரு நாடுகளுக்கும் இடையிலான மூலோபாய, பொருளாதார மற்றும் இராஜதந்திர உறவுகளை மேலும் வலுப்படுத்துவதே இந்தச் சந்திப்பின் முக்கிய நோக்கமாகும்.

இதற்கிடையில், சீன அதிபர், தென்னாப்பிரிக்க அதிபர், மலேசியப் பிரதமர், எகிப்திய அதிபர், ஈரானிய அதிபர், இந்தோனேசிய அதிபர், அபுதாபியின் பட்டத்து இளவரசர் மற்றும் எத்தியோப்பியப் பிரதமர், அத்துடன் ஐ.நா. பொதுச்செயலாளரும்  மாநாட்டிற்காக இந்தியாவிற்கு வருகை தந்துள்ளதாக தெரிவிக்கப்படுகிறது.

உலகளாவிய வர்த்தகம், எரிசக்தி ஒத்துழைப்பு மற்றும் பிராந்தியப் பாதுகாப்பு உள்ளிட்ட பல்வேறு துறைகள் குறித்து உறுப்பு நாடுகளின் பிரதிநிதிகளுடன்  விரிவான கலந்துரையாடல்களை நடத்தத் திட்டமிடப்பட்டுள்ளதாக தெரிவிக்கப்படுகிறது.