நுரைச்சோலை மின் உற்பத்தி நிலையம் வழமைக்கு திரும்பியது

நுரைச்சோலை மின் உற்பத்தி நிலையம் நாளை (22) மீண்டும் மின் உற்பத்தியைத் தொடங்கும் என்று எதிர்பார்க்கப்படுகிறது.

இதன் மூலம் நாடு முழுவதும் நடைமுறையில் உள்ள திட்டமிடப்பட்ட மின்வெட்டுகளின் தேவை நீங்கக்கூடும் என தேசிய மின் கட்டமைப்புச் செயல்பாட்டு மையம் (NSO) தெரிவித்துள்ளது.

கடந்த சனிக்கிழமையன்று தேசிய மின் கட்டமைப்பில் ஏற்பட்ட சமநிலையின்மை காரணமாக, நாடு தழுவிய அளவில் மின் தடை ஏற்பட்டது.

இதனைத் தொடர்ந்து,  நுரைச்சோலை மின் உற்பத்தி நிலையத்தின் செயல்பாடுகள் நிறுத்தப்பட்டதால், கடந்த இரண்டு நாட்களாக நாடு முழுவதும் மின்வெட்டுகள் மேற்கொள்ளப்பட்டன. தற்போதைய ஏற்பாடுகளின்படி, இன்றும் (21) திட்டமிடப்பட்ட மின்வெட்டுகள் தொடரும்.

இருப்பினும்,  நுரைச்சோலை மின் உற்பத்தி நிலையத்தை நாளை முதல் மீண்டும் தேசிய மின் கட்டமைப்போடு இணைக்க முடியும் என்று தேசிய மின் கட்டமைப்புச் செயல்பாட்டு மையம் (NSO) குறிப்பிட்டுள்ளது.

திட்டமிட்டபடி செயல்பாடுகள் மீண்டும் தொடங்கினால், மின்வெட்டுகளின் தேவை இல்லாமல் போகக்கூடும் என்று அந்த மையத்தின் பேச்சாளர் ஒருவர் தெரிவித்தார்.