எபோலா வைரஸின் புதிய திரிபால் 120 பேர் உயிரிழப்பு!! தடுப்பு மருந்தும் இல்லை!!

எபோலா வைரஸின் ஒருவகையான புதிய திரிபான புண்டிபுக்யோ (Bundibugyo) வைரஸால் காங்கோவில் 120 பேர் உயிரிழந்துள்ளதாக அறிவிக்கப்பட்டுள்ளது.

மிகவும் பொதுவான எபோலா வகைகளைப் போலல்லாமல், இந்த புதிய  வைரஸுக்கு  குறிப்பிட்ட சிகிச்சைகளோ தடுப்பூசிகளோ இல்லை, இது தடுப்பு நடவடிக்கைகளைச் சிக்கலாக்குவதாகவும் சுட்டிக்காட்டப்பட்டுள்ளது.

நோயுற்ற அல்லது இறந்த நோயாளிகளின் உடல் திரவங்களுடன் ஏற்படும் நெருங்கிய தொடர்பு மூலம் இந்த வைரஸ் மற்றவர்களுக்கு பரவுவதாக எச்சரிக்கப்பட்டுள்ளது.

இது சுகாதாரப் பணியாளர்கள் மற்றும் குடும்ப உறுப்பினர்களுக்கு அதிகபட்ச ஆபத்தை ஏற்படுத்துகிறது.

ஜைர் (Zaire) வைரஸை விட இது குறைவான உயிரிழப்பை ஏற்படுத்தக்கூடியதாக இருந்தாலும், புண்டிபுக்யோ வைரஸின் இறப்பு விகிதம் 30 சதவீதத்தை  தாண்டுகிறது. இதனால் ஆபத்தானதாக அடையாளப்படுத்தப்பட்டுள்ளது.