வாக்குச் சீட்டில்  மொட்டு கட்சியின் சின்னம் நிச்சயம் காணப்படும்!! நாமல் எம்.பி நம்பிக்கை

எதிர்வரும் ஜனாதிபதித் தேர்தல் வாக்குச் சீட்டில்  மொட்டு கட்சியின் சின்னம் நிச்சயம் காணப்படும் என ஸ்ரீலங்கா பொதுஜன பெரமுனவின் தேசிய அமைப்பாளர் நாமல் ராஜபக்ஷ தெரிவித்துள்ளார்.

மல்வத்து மற்றும் அஸ்கிரி மகா நாயக்க தேரர்களை இன்று (11) பார்வையிட்டதன் பின்னர் ஊடகவியலாளர்கள் எழுப்பிய கேள்விகளுக்கு பதில் அளித்தார்.

ஜனாதிபதித் தேர்தலில் போட்டியிடும் ஜனாதிபதியின் பொதுச் சின்னம் மொட்டுவாகவும் இருக்கலாம் என அவர் தெரிவித்துள்ளார்.

இதேவேளை, பொதுஜன பெரமுன பாராளுமன்ற உறுப்பினர் டி.வீரசிங்கவினால் நிர்மாணிக்கப்பட்டுள்ள புதிய வீடிற்கான அடிக்கல் நாட்டும் நிகழ்வு நேற்று (10) முன்னாள் ஜனாதிபதி மஹிந்த ராஜபக்ஷ தலைமையில் இடம்பெற்றது.

போராட்டத்தின் போது அம்பாறை பகுதியில் உள்ள அவரது வீடு தீக்கிரையாக்கப்பட்டது.இதனால் பலத்த சேதம் ஏற்பட்டமையும் குறிப்பிடத்தக்கது.