15 மணிநேரம் பத்திரிக்கையாளர் சந்திப்பை நடத்தி சாதனை படைத்த மாலைத்தீவு ஜனாதிபதி‘!

மாலைத்தீவு ஜனாதிபதி முகமது முயூஸ், சாதனை படைத்த 15 மணி நேர பத்திரிகையாளர் சந்திப்பை நடத்தியுள்ளார்.

இதன்படி, உக்ரைன் அதிபர் வோலோடிமிர் ஜெலென்ஸ்கி, ஒரு நாட்டுத் தலைவர் நடத்திய மிக நீண்ட பத்திரிகையாளர் சந்திப்பின் சாதனையை மாலத்தீவு அதிபர் முறியடித்துள்ளதாக அந்நாட்டு அதிபர் அலுவலகம் தெரிவித்துள்ளது.

நேற்று (3) கொண்டாடப்பட்ட உலக பத்திரிகை சுதந்திர தினத்துடன் இணைந்து முகமது முய்சு இந்த பத்திரிகையாளர் சந்திப்பை நடத்தியதாகக் கூறப்படுகிறது.

உள்ளூர் நேரப்படி நேற்று காலை 10:00 மணிக்குத் தொடங்கிய ஜனாதிபதியின் செய்தியாளர் சந்திப்பு, நள்ளிரவு வரை 14 மணி நேரம் 54 நிமிடங்கள் நீடித்ததாக மாலத்தீவு ஜனாதிபதி அலுவலகம் தெரிவித்துள்ளது.

உக்ரைன் ஜனாதிபதி வோலோடிமிர் ஜெலென்ஸ்கி 2019 அக்டோபரில் 14 மணி நேர பத்திரிகையாளர் சந்திப்பை நடத்தி, பெலாரஷ்ய ஜனாதிபதி அலெக்சாண்டர் லுகாஷென்கோவின் முந்தைய 7 மணிநேர சாதனையை முறியடித்தார்.