வெனிசுலாவுக்காக லத்தின் அமெரிக்க நாடுகள் களத்தில்

வெனிசுலா நாட்டின் தற்போதைய நெருக்கடி நிலையைக் கையாள அமெரிக்கா மற்றும் லத்தீன் அமெரிக்க நாடுகள் ஒன்றிணைந்து உதவிகளை வழங்க முன்வந்துள்ளன.

அமெரிக்கா தனது மீட்புப் பணிக் குழுக்களையும் மருத்துவ மற்றும் மனிதாபிமானப் பொருட்களையும் விரைவாக அனுப்பத் திட்டமிட்டுள்ளது.

எல் சால்வடார் மற்றும் ஈக்வடார் போன்ற நாடுகள் நூற்றுக்கணக்கான மீட்புப் பணியாளர்களையும் டன் கணக்கிலான உபகரணங்களையும் வழங்கத் தயாராக இருப்பதாக அறிவித்துள்ளன.

பிரேசில் தனது அண்டை நாட்டிற்குத் தேவையான உதவி நடவடிக்கைகளை மதிப்பீடு செய்து வருவதாகத் தெரிவித்துள்ளது.

பாதிக்கப்பட்ட வெனிசுலா மக்களுக்குத் தேவையான அவசரகால ஆதரவை வழங்க அண்டை நாடுகளும் சர்வதேச சமூகமும் தீவிரமாகச் செயல்பட்டு வருகின்றன.

வெனிசுலாவில் அடுத்தடுத்து ஏற்பட்ட சக்திவாய்ந்த நிலநடுக்கங்களால் 10 ஆயிரம் பேர்வரை பலியாகி இருக்கக்கூடும் என அஞ்சப்படுகின்றது.

உயிரிழப்புகள் 10,000 முதல் 100,000 வரை இருக்கக்கூடும் என்ற சாத்தியமான பாதிப்பு அறிக்கையை அமெரிக்க புவியியல் ஆய்வு மையம் (USGS) வெளியிட்டுள்ளது.

பேஜர் (PAGER) எனப்படும் இந்த மேம்பட்ட கணிப்பு முறை, நிலநடுக்கத்தின் தீவிரம் மற்றும் மக்கள் தொகை அடர்த்தி போன்ற பல்வேறு தரவுகளைக் கொண்டு பாதிப்புகளை விரைவாக மதிப்பிடுகிறது.