ஐ.நா பொதுச் சபையின் 81வது அமர்வின் தலைவராக கலிலூர் ரஹ்மான் தெரிவு!

ஐக்கிய நாடுகள் பொதுச் சபையின் 81வது அமர்வின் தலைவராக வங்கதேச வெளியுறவு அமைச்சர் கலிலூர் ரஹ்மான் தேர்ந்தெடுக்கப்பட்டுள்ளார்.

நேற்று நடைபெற்ற இரகசிய வாக்கெடுப்பில், சைப்ரஸைச் சேர்ந்த ஆண்ட்ரியாஸ் கக்கூரிஸை தோற்கடித்து அவர் இந்தப் பதவிக்குத் தெரிவு செய்யப்பட்டுள்ளார்.

இந்தத் தேர்தலில், வங்கதேச வெளியுறவு அமைச்சர் 99 வாக்குகளையும், சைப்ரஸ் வேட்பாளர் 91 வாக்குகளையும் மட்டுமே பெற்றதாக தெரிவிக்கப்படுகிறது.

ஐக்கிய நாடுகள் சபையின் தலைமைப் பதவி ஐந்து பிராந்தியக் குழுக்களிடையே சுழற்சி முறையில் வழங்கப்படுகிறது.

இம்முறை 81வது அமர்வின் தலைமைப் பதவியை ஆசிய-பசிபிக் பிராந்தியக் குழு வகிக்கிறது. அதன்படி, கலிலூர் ரஹ்மான் செப்டம்பர் 8 முதல் ஓராண்டு காலத்திற்கு இந்தப் பதவியில் பணியாற்ற உள்ளார்.

தற்போதைய பொதுச்செயலாளர் அன்டோனியோ குட்டெரஸின் பதவிக்காலம் முடிந்த பிறகு புதிய பொதுச்செயலாளரை நியமிப்பது உட்பட, பல முக்கியப் பணிகள் இந்தக் காலகட்டத்தில் மேற்கொள்ளப்பட உள்ளன.