அமெரிக்காவுடன் எந்த இறுதி ஒப்பந்தமும் இல்லை – ஈரான் விளக்கம்
அமெரிக்காவுடன் இதுவரை எந்த ஒப்பந்தமும் இறுதி செய்யப்படவில்லை என ஈரான் வெளியுறவு அமைச்சகம் தெரிவித்துள்ளது.
ஈரான் வெளியுறவு அமைச்சகத்தின் செய்தித் தொடர்பாளர் இஸ்மாயில் பாகாயி வெளியிட்ட அறிக்கையில், அமெரிக்காவுடன் நடைபெற்று வரும் பேச்சுவார்த்தைகள் குறித்து பல தகவல்கள் வெளியாகி வந்தாலும், எந்தவொரு இறுதி ஒப்பந்தமும் எட்டப்படவில்லை என்று கூறப்பட்டுள்ளது.
மேலும், ஹோர்முஸ் நீரிணையில் நிர்வாகம் மற்றும் அதனைச் சார்ந்த முடிவுகள் குறித்து ஈரானும் ஓமானுமே தீர்மானிக்க வேண்டும் என்றும் அவர் வலியுறுத்தினார்.
இந்த விவகாரம் தொடர்பான மேலதிக தகவல்கள் பின்னர் வெளியிடப்படும் என்றும் அறிக்கையில் தெரிவிக்கப்பட்டுள்ளது.
