இந்தோனேசியா- மழை வெள்ளத்தில் சிக்கி இதுவரை 58 பேர் பலி!

இந்தோனேசியாவில் கனமழை பெய்து வருகிறது. இதனால் பல்வேறு இடங்களில் வெள்ளம் பெருக்கு ஏற்பட்டுள்ளது.

சுமத்ரா தீவில் வெள்ளத்தோடு நிலச்சரிவும் ஏற்பட்டுள்ளது. மேலும் எரிமலையும் வெடித்திருப்பதால், சாம்பலும் வெள்ளத்தில் கலந்து, பெரும்பாலான இடங்கள் சேறும் சகதியுமாக காட்சியளிக்கின்றன.

சுமத்ரா மாகாணத்தில் 4 மாவட்டங்களில் பெரும்பாலான கிராமங்கள் வெள்ளத்தில் மூழ்கியுள்ளன. ஆயிரக்கணக்கான மக்கள் வீடுகளை இழந்துள்ளனர்.

திடீரென்று ஏற்பட்ட வெள்ளத்தால் பலர் அடித்துச் செல்லப்பட்டனர். இந்த நிலையில் இந்தோனேசியாவில் கனமழை-வெள்ளத்தில் 58 பேர் பலியாகி உள்ளனர். மேலும் பலரை காணவில்லை என அந்நாட்டின் பேரிடர் மேலாண்மை அமைப்பு தெரிவித்துள்ளது.

பாதிக்கப்பட்ட பகுதிகளில் மீட்புப்பணிகள் தீவிரமாக நடந்து வருகிறது. மக்கள் மீட்கப்பட்டு பாதுகாப்பான இடங்களில் தங்க வைக்கப்பட்டுள்ளனர்.

தொடர்புடைய செய்திகள்:

துனிசியாவில் கைது செய்யப்பட்ட வானொலி நிலையத் தலைவர் விடுதலை ஒரே பாலின திருமணத்தை பதிவு செய்த முதலாவது தெற்காசிய நாடு ஜப்பானில் கத்திக்குத்து தாக்குதல் : மூவர் காயம்! சீனாவில் தடுத்துவைக்கப்பட்டு விசாரிக்கப்பட்ட கால்பந்தாட்ட வீரர் தென் கொரியா திரும்பினார்!