ஜப்பானின் தீவான ஹொன்ஷூவின் கடற்பகுதியில் இன்று (26) சக்திவாய்ந்த நிலநடுக்கம் பதிவாகியுள்ளதாக ரொயிட்டர்ஸ் செய்தி வௌியிட்டுள்ளது. ரிக்டர் அளவுகோலில் 6.2 மெக்னிடுயிட்டாக இந்த நிலநடுக்கம் பதிவாகி உள்ளதாக தேசிய நில அதிர்வு மையம் தெரிவித்துள்ளது. இந்த நிலநடுக்கம் கடலுக்கு அடியில் சுமார் 10 கிலோமீற்றர் ஆழத்தில் உணரப்பட்டுள்ளது. எவ்வாறாயினும் நிலநடுக்கத்தால் ஏற்பட்ட சேதம் மற்றும் பாதிப்பு குறித்து எந்தவித தகவலும் உடனடியாக வெளியாகவில்லை. நிலநடுக்கத்தைத் தொடர்ந்து சுனாமி எச்சரிக்கைகள் எதுவும் தற்போது வரை விடுக்கப்படவில்லை.

வடக்கு இஸ்ரேலின் நஹாரியா பகுதியில்  ஏவுகணைத் தாக்குதலில் ஒருவர் உயிரிழந்துள்ளதாக அவசர சேவை மாகன் டேவிட் அடோம் தெரிவித்துள்ளது. இந்தச் சம்பவத்தில் காயமடைந்த 25 பேர் மருத்துவமனைக்குக் கொண்டு செல்லப்பட்டுள்ளனர். அவர்களில் 50 வயதுடைய ஒருவருக்கு கை, கால்களில்  காயங்கள் ஏற்பட்டுள்ளதாக தெரிவிக்கப்படுகிறது. மேலும், 13 பேர் சிறியளவான காயங்களுடன் சிகிச்சை பெற்று வருகின்றனர். 11 பேர் பதற்றத்தால் பாதிக்கப்பட்டுள்ளனர் என்றும் அவசர சேவை கூறியுள்ளது. இதேவேளை, லெபனானிலிருந்து ஏவுகணைகள் ஏவப்பட்டதாக இஸ்ரேலிய ஊடகங்கள் தகவல் வெளியிட்டுள்ளன.

ஈரான் மீதான அமெரிக்க-இஸ்ரேல் போரின் விளைவுகள் உலகளாவிய உணவுப் பாதுகாப்பிற்கு பெரிய அச்சுறுத்தலை உருவாக்கும் என வல்லுநர்கள் தெரிவிக்கின்றனர். ஹார்முஸ் நீரிணையில் கப்பல் போக்குவரத்து கடுமையாகக் கட்டுப்படுத்தப்படுவதால், பல நாடுகள் உணவுப் பயிர்களை வளர்க்க தேவையான உரங்கள் மற்றும் உபகரணங்களை பெற முடியாமல் இருப்பது பரபரப்பை ஏற்படுத்துகிறது. தோஹா பட்டதாரி ஆய்வுகள் நிறுவனத்தைச் சேர்ந்த சுல்தான் பராகத் கூறுவதன் படி, “எரிசக்தி விநியோகம் முக்கியமாக இருந்தாலும், உணவுப் பொருட்கள் நாட்டிற்கு செல்லும் வழிகளில் தடைகள் ஏற்பட்டுள்ளன. இந்தப் […]

ஈரான் இன்றைய தினம் ஐக்கிய அரபு அமீரகம் நோக்கி 15 ஏவுகணைகளை ஏவியுள்ளதாக தகவல்கள் வெளியாகியுள்ளன. எவ்வாறாயினும் ஐக்கிய அரபு அமீரகம் அனைத்து 15 ஏவுகணைகளையும் இடைமறித்ததாக அதிகாரிகள் தெரிவித்துள்ளனர். முன்னர் வெளியாகிய தகவலின் படி, இந்த இடைமறிப்பில் ஒரு ஏவுகணையின் சிதறல்கள் அபுதாபியில் இருவர் உயிரிழப்பிற்கு காரணமானது. சம்பவம் ஏற்கனவே பல இடங்களில் பாதுகாப்பு கவலைகளை எழுப்பியுள்ளது. மேலும் அரசு மற்றும் பாதுகாப்பு அமைப்புகள் அந்தச் சிதறல்கள் தொடர்பான விசாரணையைத் தொடங்கியுள்ளன.