வரலாற்றில் முதன்முறையாக வரி விவரங்களை வெளியிட்ட பிரித்தானிய மன்னர்
பிரித்தானிய அரச குடும்ப வரலாற்றில் முதன்முறையாக, மன்னர் மூன்றாம் சார்லஸ் தனது வரி விவரங்களை வெளியிட்டுள்ளார் . 2024-25 நிதியாண்டில் மன்னர் 12.9 மில்லியன் பவுண்டுகள் வரியாகச் செலுத்தியுள்ளார்.
அரச குடும்பத்தைச் சேர்ந்த ஒரு ஆட்சியாளர் தனது வரி விவரங்களை இந்த வழியில் வெளியிடுவது இதுவே முதல் முறையாகும். செலுத்தப்பட்ட வரியின் அளவை ஆராயும்போது, இங்கிலாந்தில் அதிக வரி செலுத்துபவர்களில் மன்னர் சார்லஸும் ஒருவர்.
வேல்ஸ் இளவரசர் வில்லியம், அதே காலகட்டத்தில் 7.76 மில்லியன் பவுண்டுகள் வரி செலுத்தியதாக அறிவித்தார். இந்தத் தொகைகள் அரச குடும்பத்தின் ஆண்டு அறிக்கை மற்றும் கணக்குகளில் சேர்க்கப்பட்டுள்ளன.
வெளிப்படைத்தன்மையை அதிகரிக்கவும், பொதுமக்களுக்கு அவர்களின் பொறுப்புகளைப் பற்றி சிறந்த புரிதலை வழங்கவும் இந்த முடிவு எடுக்கப்பட்டதாக பக்கிங்ஹாம் அரண்மனை தெரிவித்துள்ளது.
மன்னரும் ராணி கமிலாவும் தற்போது வசிக்கும் கிளாரன்ஸ் ஹவுஸிலேயே தொடர்ந்து வசிப்பார்கள் என்று அதிகாரிகள் தெரிவித்தனர்.
பக்கிங்ஹாம் அரண்மனையில் நடைபெற்று வரும் புனரமைப்புப் பணிகள் முடிந்த பிறகும் அவர்கள் அங்கு குடிபெயர மாட்டார்கள் எனவும் தெலிவிக்கப்பட்டுள்ளது.
மகாராணியின் ஆட்சிக்குப் பிறகு, ஒரு மன்னர் பக்கிங்ஹாம் அரண்மனைக்கு வெளியே வசிக்க முடிவு செய்வது இதுவே முதல் முறையாகும்.
இந்த முடிவு, அரண்மனையை பொதுமக்கள் எளிதில் அணுகும் வகையில் மாற்றுவதற்கான திட்டத்தின் ஒரு பகுதியாகும்.
அரச குடும்பத்திற்கான அரசாங்கத்தின் தினசரி நிதியான இறையாண்மை மானியம், 2027-28 ஆம் ஆண்டுக்குள் 100 மில்லியன் பவுண்டுகளாக அதிகரிக்கப்படும்.
இதற்கு அரச அறங்காவலர்கள் சிறப்பு அனுமதி வழங்கியுள்ளனர்.
இந்த நிதி, வரலாற்றுச் சிறப்புமிக்க கட்டிடங்களின் பராமரிப்பு, இணையப் பாதுகாப்பு மற்றும் பசுமை ஆற்றலுக்கு மாறுதல் ஆகியவற்றுக்காகப் பயன்படுத்தப்படும்.
மன்னரின் முக்கிய வருமானம் லங்காஸ்டர் பிரபுத்துவ எஸ்டேட் மற்றும் பிற தனியார் முதலீடுகளிலிருந்து வருகிறது. இளவரசர் வில்லியம் கார்ன்வால் பிரபுத்துவத்திலிருந்து வருமானம் பெறுகிறார்.
அரச குடும்பத்தின் மிகவும் விலையுயர்ந்த வெளிநாட்டுப் பயணம், பபெப்ரவரியில் இளவரசர் வில்லியம் சவுதி அரேபியாவுக்கு மேற்கொண்ட பயணமாகும் (£130,000).
ஏப்ரலில் மன்னர் மற்றும் ராணி மேற்கொண்ட இத்தாலி பயணத்திற்கு 126,946 பவுண்ட் செலவானது. கடந்த ஆண்டு ஹெலிகாப்டர் பயணங்களுக்கு 733,063 பவுண்ட் செலவாகியுள்ளதாகவும் தெரிவிக்கப்பட்டுள்ளது.
