சாதாரணமாக பிறந்து உச்சம் தொட்ட மனிதனின் வாழ்க்கை சினிமா ஆகிறது….

சமீப காலமாக பயோபிக் எனப்படும் வாழ்க்கை வரலாற்று படங்களுக்கு நல்ல வரவேற்பு இருக்கிறது. திரைப்பட நட்சத்திரங்கள், அரசியல் தலைவர்கள், இசை, நடன கலைஞர்கள், விளையாட்டு வீரர்களின் வாழ்க்கை சினிமா ஆகிறது.

அந்த வரிசையில் உலக பெரும் கோடீஸ்வரரான எலான் மஸ்க்கின் வாழ்க்கையும் சினிமா ஆகிறது. ‘டெஸ்லா’ நிறுவனத்தின் அதிபரான இவர் சமீபத்தில் டுவிட்டர் நிறுவனத்தை வாங்கி அதில் பல மாற்றங்களை செய்ததன் மூலம் உலகம் முழுக்க பிரபலமானார்.

தென் ஆப்பிரிக்காவில் சாதாரண குடும்பத்தில் பிறந்த எலான் மஸ்க் வாழ்க்கையில் எதிர்கொண்ட பிரச்சினைகள், அவர் செல்வந்தராக உயர்ந்தது, இன்னும் சொல்லப்படாத பல விஷயங்கள் இந்த படத்தில் இடம்பெற இருப்பதாக கூறப்படுகிறது.

இந்த வாழ்க்கை படத்தை பிளாக் ஸ்வான், பை, தி வேல் போன்ற ஹாலிவுட் படங்களை இயக்கிய டாரென் ஆர் நோப்ஸ்கி இயக்குகிறார்.

ஏ24 என்ற நிறுவனம் தயாரிக்கிறது. தனது வாழ்க்கையை படமாக்க எலான் மஸ்க் ஒப்புக் கொண்டு விட்டதாகவும், அவர் கேரக்டரில் நடிப்பவரின் தேர்வு நடந்து வருகிறது என்றும் தகவல் வெளியாகி உள்ளது.

தொடர்புடைய செய்திகள்:

“வச்சிட்டாய்ங்கடா ஆப்பு….” வடிவேல் குறித்து வெளியான சர்ச்சை – கொதிக்கும் ரசிகர்கள் மகளின் செயலால் அப்செட்டான ரஜினி.. இடத்தை காலி செய்துவிட்டாராம்…. மும்பையில் நடந்தது என்ன? அமெரிக்காவில் நடிகர் விஜய்… வெங்கட் பிரபு ட்வீட்… ‘லியோ’ படத்திற்காக மன்னிப்பு கோரியுள்ள விநியோக நிறுவனம்; ரசிகர்கள் அதிர்ச்சி!