ஈரானுக்கு எதிரான இராணுவ நடவடிக்கைகளில் உதவிய எலான் மஸ்க்கின் Grok Ai

எலான் மஸ்க்கின் செயற்கை நுண்ணறிவு அடிப்படையிலான தொழில்நுட்பமான க்ரொக் (Grok), ஈரானுக்கு எதிரான அமெரிக்க இராணுவ நடவடிக்கைகளில் பயன்படுத்தப்பட்டுள்ளதாக அமெரிக்க அரசாங்கம் சட்ட ஆவணம் ஒன்றில் வெளிப்படுத்தியுள்ளது.

ஜூன் 15 அன்று சமர்ப்பிக்கப்பட்ட சட்ட ஆவணங்களில், எலான் மஸ்க்கின் நிறுவனமான XAI-இன் தரவு மையத்திற்கு மின்சாரம் வழங்கும் எரிவாயு விசையாழிகளுக்கு எதிராகத் தாக்கல் செய்யப்பட்ட சுற்றுச்சூழல் வழக்கு, அமெரிக்காவின் தேசிய, பொருளாதார மற்றும் எரிசக்திப் பாதுகாப்பிற்கு அச்சுறுத்தலாக அமையக்கூடும் என்ற நிலைப்பாட்டை அமெரிக்க நீதித்துறை எடுத்துள்ளது.

அமெரிக்க இராணுவ நடவடிக்கைகளில் பயன்படுத்தப்பட்டு வரும் செயற்கை நுண்ணறிவின் வளர்ச்சிக்கு இந்த உள்கட்டமைப்பு துணைபுரிகிறது என்று அந்த ஆவணங்கள் தெரிவித்தன.

அமெரிக்க இராணுவத்தின் ‘புராஜெக்ட் மேவரிக்’ திட்டத்தில் க்ரொக் பயன்படுத்தப்பட்டு வருவதாக, அமெரிக்க பாதுகாப்புத் துறையின் செயற்கை நுண்ணறிவுத் திட்டத் தலைவர் கேமரூன் ஸ்டான்லி அளித்த பிரமாணப் பத்திரம் இந்தக் கூற்றை நியாயப்படுத்தியுள்ளது.

அந்த அறிக்கையின்படி, ‘ஒபரேஷன் எபிக் ஃபியூரி’யின் போது, ​​ப்ராஜெக்ட் மேவின் நுண்ணறிவு அமைப்புகள், அமெரிக்கப் படைகள் 96 மணி நேரத்தில் 2,000 வெவ்வேறு இலக்குகளுக்கு எதிராக 2,000க்கும் மேற்பட்ட ஆயுதங்களைப் பயன்படுத்த உதவியுள்ளன.

தனது அறிக்கையில் கேமரூன் ஸ்டான்லி, க்ரொக்கின் அதிகாரப்பூர்வப் பதிப்பை இராணுவ நடவடிக்கைகளில் செயல்பாட்டுத் திறனை அதிகரிப்பதற்கான ஒரு முக்கியக் கருவி என்று விவரித்துள்ளார் என்பதும் குறிப்பிடத்தக்கது.