ICC டெஸ்ட் பந்துவீச்சாளர்கள் தரவரிசையில் ஆதிக்கம் செலுத்தும் ஆஸ்திரேலிய வீரர்கள்

சர்வதேச கிரிக்கெட் கவுன்சில் (ICC) டெஸ்ட் போட்டிகளில் வீரர்களுக்கான புதிய தரவரிசை பட்டியலை வெளியிட்டது. இதில் பேட்ஸ்மேன்களின் தரவரிசையில் ஜோ ரூட் மீண்டும் நம்பர் 1 இடத்தை பிடித்துள்ளார்.

டெஸ்ட் பந்துவீச்சாளர்கள் தரவரிசையை பொறுத்த வரை ஜஸ்பிரித் பும்ரா முதலிடத்தில் தொடருகிறார். இவரையடுத்து ரபடா 2வது இடத்தில் உள்ளார். 3 மற்றும் 4வது இடங்களில் ஆஸ்திரேலிய வீரர்களான கம்மின்ஸ் மற்றும் ஜோஷ் ஹேசில்வுட் உள்ளனர். 5வது இடத்தில் நோமன் அலி உள்ளார்.

வெஸ்ட் இண்டீசுக்கு எதிரான கடைசி டெஸ்டில் ஹாட்ரிக் விக்கெட் கைப்பற்றி சாதனை படைத்த ஆஸ்திரேலிய வேகப்பந்து வீச்சாளர் ஸ்காட் போலன்ட் 6 இடங்கள் முன்னேறி 6வது இடத்துக்கு வந்துள்ளார். அவரது சிறந்த தரநிலை இதுவாகும்.

ஆஸ்திரேலிய வீரரான நாதன் லயன் 8வது இடத்திலும், மிட்செல் ஸ்டார்க் 10வது இடத்திலும் உள்ளனர். மொத்தத்தில் இந்த தரவரிசையில் 5 ஆஸ்திரேலிய பவுலர்கள் டாப்10 இடத்திற்குள் ஆக்கிரமித்துள்ளனர்.

இந்தியா தரப்பில் பும்ராவை தவிர்த்து வேறுயாரும் டாப் 10ல் இல்லை என்பது குறிப்பிடத்தக்கது.