தல்பிட்டிய பகுதியில் புகையிரதத்துடன் மோதி விபத்துக்குள்ளான வேன்!

தல்பிட்டிய, வாத்துவ, ரத்நாயக்க வீதியில் பாதுகாப்பற்ற புகையிரத கடவைக்குள் நுழைந்த வேன் ஒன்று புகையிரதத்துடன் மோதி விபத்துக்குள்ளாகியுள்ளது. இதில் யுவதி ஒருவர் காயமடைந்துள்ளார்.

தெற்கு களுத்துறையில் இருந்து மருதானை நோக்கி பயணித்த மெதுவான புகையிரதத்துடன் வேன் மோதி விபத்துக்குள்ளாகியுள்ளது.

விபத்தை அடுத்து, வேன் ரயிலின் இன்ஜின் பெட்டியில் சிக்கியுள்ளது.  வேனின் வலது பக்கம் இருந்த நபர் அப்பகுதி மக்களால் பத்திரமாக மீட்கப்பட்டதாகவும், இடதுபுறத்தில் இருந்த பெண் புகையிரதத்திற்கும் வேனுக்கும் இடையில் சுமார் ஒரு மணிநேரம் சிக்கிக்கொண்டதாகவும் தெரிவிக்கப்படுகிறது.

பின்னர், பிரதேசவாசிகள் மற்றும் களுத்துறை மாநகர சபையின் தீயணைப்புத் துறையினர் இணைந்து குறித்த பெண்ணை மீட்டுள்ளனர். அவர் பாணந்துறை வைத்தியசாலையில் அனுமதிக்கப்பட்டுள்ளார்.

வேனில் இருந்தவர்கள்  இளம் ஜோடி காதலர்கள் என்றும், அவர்கள் கொட்டிகாவத்தை பகுதியைச் சேர்ந்தவர்கள் என்றும் தெரியவந்தது.

இந்த விபத்தில் ரயிலின் முன்பகுதி சேதமடைந்ததுடன், வேன் முற்றாக சேதமடைந்தது.

இது தொடர்பான விசாரணைகளை வடுவ பொலிஸ் பிரிவின் ரயில்வே பாதுகாப்பு பிரிவினர் மேற்கொண்டு வருகின்றனர்.