மரண தண்டனை கோருகிறார் மஹிந்த அணி பிரமுகர்

“ எங்களை சிறையில் அடைப்பதாக இருந்தால் மரண தண்டனை நிறைவேற்றுங்கள். அவ்வாறு இல்லாவிட்டால் சிறைக்குள் இருந்து போராடுவோம்.” என்று ஸ்ரீலங்கா பொதுஜன பெரமுன கட்சி உறுப்பினரான திஸ்ஸ குட்டியாராச்சி சூளுரைத்துள்ளார்.

விசாரணைக்கு நேற்று முன்னிலையாவதற்கு முன்னர் ஊடகங்களிடம் கருத்து வெளியிடுகையிலேயே அவர் இவ்வாறு குறிப்பிட்டுள்ளார்.

“எங்களை சிறையில் அடைப்பதாக இருந்தால் மரண தண்டனை கொடுத்து அனுப்புங்கள். உயிருடன் விட்டால் சிறைக்குள் இருந்து போராடுவோம்.

எனக்கு தற்போது 46 வயதுதான் ஆகின்றது. நாமல் ராஜபக்சவுக்கு என்னைவிட 6 வயது குறைவு.

அரசியல் பழிவாங்கல் என்றால் என்ன என்பது தெரியும். பயம் என்பது இருந்திருந்தால் அரசியலுவுக்கு வந்திருக்கமாட்டேன். அச்சுறுத்தல்மூலம் என்னை முடக்க முடியாது.”- என்றார் திஸ்ஸ குட்டியாராச்சி.