இலங்கையில் பொலிஸ் அதிகாரிக்கு அதிர்ச்சி கொடுத்த நபர்
ஆராச்சிக்கட்டுவ பிரதேசத்தில் பொலிஸாரின் உத்தரவை மீறி ஓடிய மோட்டார் சைக்கிளை கைது செய்ய சென்ற போது, அதில் பயணித்த ஒருவர் பொலிஸ் உத்தியோகத்தர் ஒருவரின் கையை கடித்து விட்டு ஓடியதாக பொலிஸார் தெரிவிக்கின்றனர்.
சிலாபம் – புத்தளம் வீதியில் ஆராச்சிக்கட்டுவ – ஹலம்பவடவன பிரதேசத்தில் நேற்று முன்தினம் இரவு 10.45 மணியளவில் இந்த சம்பவம் பதிவாகியுள்ளது.
ஆராச்சிக்கட்டுவ பொலிஸ் போக்குவரத்து பிரிவில் கடமையாற்றும் பொலிஸ் கான்ஸ்டபிள் ஒருவரே காயமடைந்துள்ளார்.
அவர் சிலாபம் பொது மருத்துவமனையில் அனுமதிக்கப்பட்டுள்ளார்.
சிலாபம் புத்தளம் வீதியில் போக்குவரத்து கடமையில் ஈடுபட்டிருந்த ஆராச்சிக்கட்டுவ பொலிஸ் உத்தியோகத்தர்கள் இருவர் சிலாபத்தில் இருந்து வந்த மோட்டார் சைக்கிளை நிறுத்துமாறு சமிக்ஞை செய்தனர்.
ஆனால் பொலிஸாரின் உத்தரவை மீறி மோட்டார் சைக்கிள் ஓடியதையடுத்து இரண்டு பொலிஸ் உத்தியோகத்தர்களும் அதனை துரத்திச் சென்றுள்ளனர்.
மோட்டார் சைக்கிளை ஓட்டிச் சென்ற சந்தேக நபர் அதனை விபத்துக்குள்ளான பகுதியில் விட்டுவிட்டு தப்பிச் சென்றுள்ளார்.
பின்னால் பயணித்த நபரை கைது செய்ய துரத்திச் சென்ற பொலிஸ் அதிகாரி ஒருவரின் கையை கடித்துள்ளார்.
பொலிஸ் அதிகாரிகளின் கடமைக்கு இடையூறு விளைவித்ததாகக் கூறப்படும் சந்தேக நபர் அடையாளம் காணப்பட்டுள்ளதுடன், அவரைக் கைது செய்வதற்கான மேலதிக விசாரணைகளை பொலிஸார் ஆரம்பித்துள்ளனர்.
(Visited 9 times, 1 visits today)
