இந்தியாவில் ஒன்றரை மாதங்களில் 23 மசூதிகள், மதரஸாக்கள், வழிபாட்டுத் தலங்கள் இடிப்பு

இந்தியாவில் முஸ்லிம்களின் வழிபாட்டுத் தலங்கள் இடிக்கப்படும் சம்பவங்களின் எண்ணிக்கை அதிகரித்துள்ளதுடன், ஒன்றரை மாதத்தில் 23 மசூதிகள் மற்றும் மதரஸாக்கள் இடிக்கப்பட்டுள்ளன.

கடந்த 45 நாட்களில் இந்தியாவின் பல்வேறு மாநிலங்களில் 1,000 ஆண்டுகள் பழமையான மசூதி உட்பட 23 மசூதிகள், மதரஸாக்கள், தர்காக்கள் மற்றும் ஈத்காக்கள் இடிக்கப்பட்டுள்ளதாக தெரிவிக்கப்பட்டுள்ளன.

அறிக்கைகளின்படி, டெல்லி, உத்தரப் பிரதேசம், மகாராஷ்டிரா, குஜராத், ராஜஸ்தான் மற்றும் ஹரியானா உள்ளிட்ட பல்வேறு மாநிலங்களில் ஆக்கிரமிப்புகளை அகற்றுதல் மற்றும் சாலைகளை விரிவுபடுத்துதல் என்ற பெயரில் இந்த நடவடிக்கைகள் மேற்கொள்ளப்பட்டன.

சில இடங்களில் சட்டப்பூர்வ நிபந்தனைகள் பூர்த்தி செய்யப்படவில்லை என்றும், இடிப்புப் பணிகளுக்கு முன்னர் பாதிக்கப்பட்ட தரப்பினருக்குப் போதுமான அறிவிப்பு வழங்கப்படவில்லை என்றும் மனித உரிமை அமைப்புகள் கூறுகின்றன.

அனைத்து நடவடிக்கைகளும் சட்ட மற்றும் நிர்வாக விதிமுறைகளுக்கு இணங்கவே மேற்கொள்ளப்பட்டு வருவதாக இந்திய அதிகாரிகள் தெரிவிக்கின்றனர்.

மத சுதந்திரமும், சட்டத்தின் சமமான பிரயோகமும் உறுதி செய்யப்பட வேண்டும் என்று கூறியுள்ள அமெரிக்க அமைப்பான “அனைவருக்கும் நீதி” என்பதும், சமீபத்திய நடவடிக்கைகள் குறித்து கவலை தெரிவித்துள்ளது