121 ஆண்டுகளுக்குப் பிறகு தோன்றும் முழு சூரிய கிரகணம் – ஐரோப்பிய நாடுகளில் தெரியும்

121 ஆண்டுகளுக்குப் பிறகு ஸ்பெயினில் முழு சூரிய கிரகணம் நிகழும் என நாசா தெரிவித்துள்ளது.

அந்த அமைப்பின் அறிக்கையை மேற்கோள் காட்டி, 1905-ஆம் ஆண்டிலிருந்து காணக்கிடைக்கும் இந்த சூரிய கிரகணம், ஆகஸ்ட் 12 அன்று ஸ்பெயின், கிரீன்லாந்து, ஐஸ்லாந்து, ரஷ்யா மற்றும் போர்ச்சுகலின் சில பகுதிகளில் தெரியும் என வெளிநாட்டு ஊடகங்கள் செய்தி வெளியிட்டுள்ளன.

முழு சூரிய கிரகணத்தின் போது, ​​சூரியனுக்கும் பூமிக்கும் இடையில் வரும் சந்திரன், சூரியனை முழுமையாக மறைத்துவிடுகிறது. இதனால், பிற்பகல் வானம் மாலைப் பொழுதைப் போல இருண்டு, விலங்குகளின் நடத்தையிலும் மாற்றங்கள் ஏற்படுகின்றன.

சமீபத்தில், 2024-ல் அமெரிக்கா மற்றும் மெக்சிகோவிலும், 2021-ல் அண்டார்டிகாவிலும், 2019-ல் சிலியிலும் முழு சூரிய கிரகணங்கள் காணப்பட்டன.