ஞானசார தேரருக்கு ஜனாதிபதி மன்னிப்பு வழங்குவார்: தேரர் நம்பிக்கை

பொதுபலசேனா அமைப்பின் பொதுச்செயலாளர் ஞானசார தேரருக்குப் பொதுமன்னிப்பு வழங்குவதற்கு ஜனாதிபதி அநுரகுமார திஸாநாயக்க நடவடிக்கை எடுப்பார் என உறுதியாக நம்புவதாக ஜனசெத்த பெரமுனவின் தலைவர் பத்தரமுல்ல சீலரத்தன தேரர் தெரிவித்தார்.

ஞானசார தேரருக்குப் பொதுமன்னிப்பு வழங்குமாறு கோரி ஜனாதிபதி செயலகத்தில் நேற்று கடிதம் ஒன்றை கையளித்த பின்னர், ஊடகங்களுக்குக் கருத்துத் தெரிவிக்கும்போதே அவர் இவ்வாறு நம்பிக்கை வெளியிட்டார். இது தொடர்பில் அமேலும் கூறியதாவது:

“சவூதி அரேபியாவில் மரண தண்டனை விதிக்கப்பட்ட அனோஜனுக்கு அந்நாட்டு உச்ச நீதிமன்றம் அத்தண்டனையை ரத்து செய்துள்ளது.

அதேபோன்று, தமக்குள்ள அதிகாரங்களைப் பயன்படுத்தி ஞானசார தேரருக்கு ஜனாதிபதி மன்னிப்பு வழங்க வேண்டும். அந்த மன்னிப்பு நிச்சயமாகக் கிடைக்கும் என நாங்கள் உறுதியாக நம்புகின்றோம்” என்று தேரர் குறிப்பிட்டார்.