இலங்கை செய்தி

இலங்கையில் மின் கட்டண குறைவு தொடர்பில் வெளியான தகவல்!

இலங்கையில் டீசல் உட்பட எரிபொருள் விலை குறைவினால் 30 அலகுக்கும் குறைவான மின்சாரத்தை பயன்படுத்தும் மின் பாவனையாளர்களுக்கு ஒரு மின்சார அலகை 12 ரூபாவிற்கு வழங்க முடியும் என அறிவிக்கப்பட்டுள்ளது.

மின்சார பாவனையாளர் சங்கத்தின் செயலாளர் சஞ்சீவ தம்மிக்க இதனை தெரிவித்தார்.

மேலும், 31 முதல் 60 யூனிட் வரை மின்சாரம் பயன்படுத்துவோருக்கு 31வது யூனிட் முதல் ஒரு யூனிட் மின்சாரத்திற்காக வசூலிக்கப்படும் 37 ரூபாயை 15 ரூபாயாக குறைக்கலாம் என்றார்.

எரிபொருள் விலை குறைக்கப்பட்டதன் பின்னர் மின்சாரம் தயாரிப்பதற்கான உண்மையான செலவைக் கணக்கிட்டால், இந்த புள்ளிவிவரங்கள் மூலம் ஒரு யூனிட் மின்சாரத்துக்கான கட்டண குறைப்பை வழங்க முடியும் என்றும் அவர் குறிப்பிட்டார்.

மொத்த மின் உற்பத்தியில் இருபது சதவீதம் எரிபொருளை அடிப்படையாகக் கொண்டு உற்பத்தி செய்யப்படுவதால், இந்த எண்களுக்கு மின்சாரம் வழங்க முடியும் என்றும் அவர் கூறினார்.

எரிபொருள் விலை குறைப்பின் பலனை மின்பாவனையாளர்களுக்கு வழங்க வேண்டும் எனவும் அவர் தெரிவித்துள்ளார்.

எரிபொருள் விலை குறைப்பை மட்டும் நேரடியாக கருத்தில் கொண்டால் ஒரு மின் அலகை 10 ரூபாவால் குறைக்க முடியும். அதாவது 30 யூனிட்டுக்கு குறைவாக பயன்படுத்துபவர்களுக்கு ஒரு யூனிட்டுக்கு வசூலிக்கப்படும் 30 ரூபாயை 20 ரூபாயாக குறைக்க வேண்டும்.

மேலும், 31 முதல் 60 யூனிட் வரை வசூலிக்கப்படும் 37 ரூபாய் விலையை 25 ரூபாயாக குறைக்க வேண்டும். ஆனால் உண்மையான செலவு இன்னும் குறைவு. அதனால் தான் 30 யூனிட்டுக்கு குறைவாக பயன்படுத்துபவர்களுக்கு ஒரு யூனிட் 12 ரூபாய்க்கு மின்சாரம் கொடுக்கலாம் என்கிறோம் என்றார்.

(Visited 1 times, 1 visits today)
Avatar

hinduja

About Author

Leave a comment

Your email address will not be published. Required fields are marked *

You may also like

அரசியல் இலங்கை

இலங்கைக்கான சர்வதேச நாணய நிதிய உதவிச்செயற்திட்டம் மார்ச் 20 ஆம் திகதி பணிப்பாளர் சபையிடம் சமர்ப்பிக்கப்படும்

இலங்கைக்கான சர்வதேச நாணய நிதியத்தின் உதவிச்செயற்திட்டத்தை எதிர்வரும் 20 ஆம் திகதி நாணய நிதியப் பணிப்பாளர் சபையிடம் சமர்ப்பிப்பதற்கு எதிர்பார்த்திருப்பதாக சர்வதேச நாணய நிதியத்தின் நிறைவேற்றுப்பணிப்பாளர் கிறிஸ்டலினா
செய்தி

பாணின் விலை குறைப்பு!

450 கிராம் பாண் ஒன்றின் விலையை 10 ரூபாவினால் குறைப்பதற்கு தீர்மானிக்கப்பட்டுள்ளது. இதன்படி   இன்று (08) நள்ளிரவு முதல் இந்த விலை அமுலுக்குவரும் என அகில இலங்கை

You cannot copy content of this page

Skip to content