நேபாளத்தில் மீட்பு பணி தற்காலிகமாக நிறுத்தம்

எல்லைப் பகுதியைத் தாக்கிய திடீர் வெள்ளத்தில் சிக்கியவர்களைத் தேடும் மற்றும் மீட்கும் பணிகளை நேபாள மற்றும் சீன அதிகாரிகள் தற்காலிகமாக நிறுத்தி வைத்துள்ளனர்.

வெள்ளத்தின் போது உருவானதாகக் கூறப்படும் ‘தடுப்பு ஏரி’ நிரம்பி வழிந்ததால், இந்த நடவடிக்கைகள் நிறுத்தி வைக்கப்பட்டுள்ளதாகத் தெரிவிக்கப்பட்டுள்ளது.

ஏரி நிரம்பி வழியும் அபாயம் அதிகரித்துள்ளதால், மீட்புப் பணிகளுக்காகப் பயன்படுத்தப்பட்ட சீன மீட்புக் குழுக்களும் வாகனங்களும் பாதுகாப்பான பகுதிகளுக்கு வெளியேற்றப்பட்டுள்ளதாக சீன அரசு ஊடகங்கள் செய்தி வெளியிட்டுள்ளன.

இதற்கிடையில், பாதுகாப்பு காரணங்களுக்காக நேபாள அதிகாரிகளும் சுமார் 90 நிமிடங்களுக்குத் தேடுதல் மற்றும் மீட்புப் பணிகளை நிறுத்தி வைத்துள்ளதாக நேபாள இராணுவ அதிகாரி ஒருவர் உறுதிப்படுத்தினார்.

எல்லைப் பகுதியில் நிலவும் மோசமான சூழ்நிலை காரணமாக, மீட்புக் குழுக்களின் பாதுகாப்பிற்குச் சிறப்பு கவனம் செலுத்தப்பட்டுள்ளது. மேலும், நிலைமை சீரடைந்தவுடன் தேடுதல் மற்றும் மீட்புப் பணிகள் மீண்டும் தொடங்கும் எனத் தெரிவிக்கப்பட்டுள்ளது.