முதுமையின் தாக்கத்தை குறைக்க உலகின் முதல் கண்டுபிடிப்பு – விஞ்ஞானிகள் அசத்தல்
முதுமையின் தாக்கத்தை குறைக்க உலகின் முதல் கண்டுபிடிப்பை மெல்போர்ன் விஞ்ஞானிகள் மேற்கொண்டுள்ளனர்.
இந்த கண்டுபிடிப்பை Walter and Eliza Hall Institute of Medical Research ஆராய்ச்சியாளர்கள் கண்டுபிடித்துள்ளனர்.
உடலின் இளமை செல்களைப் பயன்படுத்தி முதுமையின் விளைவுகளைக் குறைப்பதன் அடிப்படையில் இந்த கண்டுபிடிப்பை மேற்கொண்டுள்ளனர்.
thymus உறுப்பின் செயலிழப்பு முதுமைக்கு வழிவகுக்கும் நோய் நிலைமைகளை உருவாக்குகிறது என்று துறையின் தலைவர் பேராசிரியர் டேனியல் கிரே கூறினார்.
thymus உறுப்பு என்பது இதயத்திற்கு மேலே உள்ள ஒரு உறுப்பு ஆகும், இது டி செல்கள் எனப்படும் வெள்ளை இரத்த அணுக்களின் உற்பத்திக்கு பெரும் பங்களிப்பை செய்கிறது.
இந்த சுரப்பி குழந்தைகளின் உடலில் பெரியது மற்றும் பருவமடையும் போது படிப்படியாக, தைமஸ் உறுப்பு சுருங்கி பலவீனமடையத் தொடங்குகிறது.
65 வயதிற்குள் அது செயலிழந்து, நோய்களை எதிர்த்துப் போராடத் தேவையான வெள்ளை இரத்த அணுக்களை உற்பத்தி செய்வதில் சிரமம் ஏற்படும் என்று கூறப்படுகிறது.
தைமஸ் உறுப்பை மீண்டும் தூண்டுவது நோயெதிர்ப்பு மண்டலத்தை வலுப்படுத்த உதவுகிறது என்று ஆராய்ச்சியாளர்கள் கண்டறிந்துள்ளனர்.
மெல்போர்ன் மருத்துவ விஞ்ஞானிகள் இது தைமஸ் செயல்பாட்டை மீளுருவாக்கம் செய்யவும் மற்றும் வயதானவர்களுக்கு நோய் எதிர்ப்பு சக்தியை மீட்டெடுக்கவும் உதவும் என்று நம்புகின்றனர்.
இதனால் முதுமை அடைவதை முற்றிலுமாகத் தடுக்காவிட்டாலும், உடல் இளமையைத் தக்கவைக்க உதவுவதாக அவர்கள் குறிப்பிடுகின்றனர்.
(Visited 5 times, 1 visits today)
