மர்மமான முறையில் கொலை செய்யப்பட்ட பெண் – குற்றவாளிக்கு வலைவீச்சு!

பாலங்கொடவின் பல்லேவெல பகுதியில் உள்ள வீடொன்றில் இருந்து பெண் ஒருவரின்  சடலம்  கண்டெடுக்கப்பட்டுள்ளது.

பொலிஸாருக்கு கிடைத்த தகவலின் அடிப்படையில் நடத்தப்பட்ட விசாரணையைத் தொடர்ந்து சடலம் கண்டெடுக்கப்பட்டதாகக் கூறப்படுகிறது.

பல்லேவெல பகுதியில் உள்ள ஒரு வீட்டில் தனியாக இருந்த இந்தப் பெண் கொடூரமாக சித்திரவதை செய்யப்பட்டு கொலை செய்யப்பட்டுள்ளதாக கூறப்படுகிறது.

பாலங்கொட பிரதம நீதிபதி, நீதித்துறை மருத்துவ கண்காணிப்பாளர், குற்ற நிகழ்வு விசாரணை அதிகாரிகள் மற்றும் கைரேகை பிரிவு அதிகாரிகள் நேற்று (23) பிற்பகல் சம்பவ இடத்தைப் பார்வையிட்டு விசாரணை நடத்தியுள்ளனர்.

அதனைத் தொடர்ந்து, இரத்தினபுர பொலிஸ் மோப்ப நாயைக் கொண்டு சந்தேக நபரைத் தேடும் முயற்சிகள் மேற்கொள்ளப்பட்டன. இருப்பினும் பொலிஸாரின்  முயற்சி பலனளிக்கவில்லை.

சடலத்திற்கான பிரேத பரிசோதனை இன்று (24) பாலங்கொட பிரதான மருத்துவமனையில் நடத்த திட்டமிடப்பட்டுள்ளது.

இச்சம்பவம் தொடர்பான மேலதிக விசாரணைகளை பின்னவல பொலிஸார் மேற்கொண்டு வருகின்றனர்.