உள்நாட்டு விமான சேவையை நாளை ஆரம்பிக்கிறது ஈரான்!

ஈரானின் தலைநகரான தெஹ்ரான் மற்றும் முக்கிய நகரமான மஷ்ஹத் இடையிலான விமானப் போக்குவரத்து நாளை (25) சனிக்கிழமை முதல் மீண்டும் தொடங்க உள்ளது.

நாட்டின் வான்வழிப் பாதையை படிப்படியாகத் திறக்கும் அரசாங்கத்தின் நான்கு கட்டத் திட்டத்தின் ஒரு பகுதியாக இந்த நடவடிக்கை மேற்கொள்ளப்படுகிறது.

கடந்த ஏப்ரல் 18 முதல் ஈரானின் விமானப் போக்குவரத்துத் துறை இயல்பு நிலைக்குத் திரும்பத் தொடங்கிய நிலையில், முக்கிய சர்வதேச விமான நிலையங்கள் ஏற்கனவே செயல்பாட்டுக்கு வந்துள்ளன.

புனிதத் தலங்களைக் கொண்டுள்ள மஷ்ஹத் நகரம், ஈரானின் இரண்டாவது பெரிய நகரமாக விளங்குவதால் இந்த இணைப்பு மிக முக்கியமாகக் கருதப்படுகிறது.

இந்த அறிவிப்பு ஈரானின் விமானப் போக்குவரத்துத் துறை மீண்டும் முழுமையாகச் செயல்படுவதற்கான ஒரு முக்கிய முன்னேற்றத்தைக் குறிக்கிறது.