மர்மமான முறையில் உயிரிழந்த சிறுமி!
உறங்கிக் கொண்டிருந்த நிலையில் நான்கு வயதுச் சிறுமி உயிரிழந்துள்ள சம்பவமொன்று நேற்று (11.09) பதிவாகியுள்ளதாக ஹொரண தலைமையகப் பொலிஸார் தெரிவித்துள்ளனர்.
ஹொரண திகேனபுர பகுதியில் வசித்து வந்த சசுகி அனன்யா செசாந்தி என்ற நான்கு வயது சிறுமியே இவ்வாறு உயிரிழந்துள்ளார்.
வழமை போன்று சிறுமி தாயுடன் உறங்கச் சென்றதாகவும், சிறுமியின் சிறுநீர் வெளியேறியதை அவதானித்து, சிறுமியின் உடைகளை மாற்றுவதற்கு தாய் தயாராகும் போது, சிறுமியின் உடல் உயிரற்ற நிலையில் இருப்பதை தாய் அவதானித்ததாகவும் தெரியவந்துள்ளது.
இது தொடர்பில் தனது கணவருக்கு தொலைபேசியில் தெரிவித்ததையடுத்து, குழந்தையை ஹொரண ஆதார வைத்தியசாலைக்கு எடுத்து சென்றுள்ளார்.
சிறுமியை பரிசோதித்த மருத்துவர்கள், சிறுமி உயிரிழந்துள்ளதாக தெரிவித்துள்ளனர். ஹொரண போலீசார் இது தொடர்பான மேலதிக விசாரணைகளை மேற்கொண்டு வருகின்றனர்.
(Visited 6 times, 1 visits today)
