ஓஹியோவில் இடம்பெற்ற திருவிழாவில் துப்பாக்கிச்சூடு! 12 பேர் காயம்!

அமெரிக்காவின் ஓஹியோ மாகாணத்தில் உள்ள டோலிடோவ் பகுதியில் இடம்பெற்ற திருவிழாவில் பாரிய துப்பாக்கிச்சூட்டு சம்பவம் பதிவாகியுள்ளது.

இதன்போது 12 பேர் மீது துப்பாக்கி பிரயோகம் மேற்கொள்ளப்பட்டதாக அறிவிக்கப்பட்டுள்ளது.

பொலிஸார் தாக்குதல்தாரியை தேடி வருகின்றனர்.

தாக்குதலுக்கு உள்ளான 10 பேர் நலமாக உள்ளதாகவும், 02 பேர் கவலைக்கிடமான நிலையில் உள்ளதாகவும் டோலிடோவ் பொலிஸார் தெரிவித்துள்ளனர்.

பாதிக்கப்பட்டவர்கள் மற்றும் சாட்சிகளிடம் காவல்துறை பேசி வருவதாகவும், கேமரா காட்சிகளை ஆய்வு செய்து வருவதாகவும் தெரிவிக்கப்பட்டுள்ள அதேவேளை, தாக்குதல்தாரியை கைது செய்ய பொலிஸார் பொதுமக்களின் உதவியை நாடியுள்ளனர்.