துருக்கியில் ஒன்றுகூடும் நேட்டோ தலைவர்கள்

நேட்டோ அமைப்பின் தலைவர்கள் அடுத்த வாரம் துருக்கி தலைநகரில் கூடவுள்ளனர்.

இந்த ராணுவக் கூட்டணியில் அமெரிக்கா தனது பங்களிப்பைக் குறைத்து வரும் சூழலில் முக்கிய முடிவுகளை எடுப்பதை அவர்கள் நோக்கமாகக் கொண்டுள்ளனர்.

அமெரிக்கா மற்றும் இஸ்ரேல் இணைந்து ஈரானுக்கு எதிராக நடத்திய போர் ஐரோப்பிய நாடுகளில் வரவேற்பைப் பெறவில்லை என்பதுடன், பல தலைவர்கள் இதற்கு எதிராக போர்க்கொடி தூக்கினர்.

எனினும், நேட்டோ அதிகாரிகளை மேற்கோள் காட்டி Reuters செய்தி நிறுவனம் வெளியிட்டுள்ள அறிக்கையின்படி, பெரும்பாலான நேட்டோ கூட்டணி நாடுகள் தங்களின் வான்வெளி மற்றும் ராணுவ தளங்களை அமெரிக்கா பயன்படுத்துவதற்கு அனுமதித்து, தங்களது கடமைகளை நிறைவேற்றியுள்ளன.

இந்தப் போர் டொனால்ட் டிரம்ப் மற்றும் இத்தாலிய பிரதமர் ஜார்ஜியா மெலோனி, பதவியிலிருந்து விலகும் பிரித்தானிய பிரதமர் கீர் ஸ்டார்மர் போன்ற ஐரோப்பிய தலைவர்களுக்கிடையேயான தனிப்பட்ட உறவுகளில் விரிசலை ஏற்படுத்தியுள்ளது.

இந்த மனக்கசப்புகள் அங்காராவில் நடைபெறவுள்ள உச்சிமாநாட்டில் மீண்டும் எதிரொலிப்பதற்கான வாய்ப்புகள் உள்ளன.

இது குறித்துப் பேசிய பெயர் குறிப்பிட விரும்பாத நேட்டோ அமைப்பின் மூத்த தூதர் ஒருவர், “அப்படி எதுவும் நடக்காது என்று நான் நம்புகிறேன். ஏனெனில் தற்போதைய சூழ்நிலையின் தீவிரத்தை தலைவர்கள் அறிவார்கள்,” என்று ராய்ட்டர்ஸிடம் தெரிவித்தார்.

“ஒருவேளை அப்படி ஏதேனும் முரண்பாடுகள் ஏற்பட்டால் கூட, பிரச்சனைகளைச் சுமுகமாகத் தீர்த்து வைக்கும் சிறந்த ‘குடும்பநல ஆலோசகராக’ நமது நேட்டோ பொதுச்செயலாளர் மார்க் ரூட்டே (Mark Rutte) எப்போதும் இருக்கிறார்,” என்றும் அவர் மேலும் குறிப்பிட்டார்.