கனடாவில் இருந்து வந்தவரால் கைவிடப்பட்ட பொதி!!! கட்டுநாயக்க விமான நிலையத்தில் சிக்கிய போதைப் பொருள்

கட்டுநாயக்க விமான நிலையத்தில் தொலைந்து போன பயணப் பொதிகளில் இருந்து 19 கிலோ 588 கிராம் குஷ் போதைப்பொருள் விமான நிலைய பொலிஸ் போதைப்பொருள் தடுப்பு பிரிவின் அதிகாரிகள் குழுவினால் கண்டுபிடிக்கப்பட்டுள்ளது.

கனடாவில் இருந்து டுபாய்க்கு கொண்டு வரப்பட்ட இந்த போதைப்பொருள் துபாயில் இருந்து நவம்பர் 14 ஆம் திகதி பிற்பகல் 02.40 மணியளவில் ஸ்ரீலங்கன் எயார்லைன்ஸ் விமானமான UL226 மூலம் கட்டுநாயக்க விமான நிலையத்திற்கு கொண்டு வரப்பட்டது.

போதைப்பொருள் கையிருப்பின் பெறுமதி 10 கோடி ரூபா என பொலிஸ் போதைப்பொருள் தடுப்பு பிரிவு அதிகாரிகள் தெரிவித்துள்ளனர்.

இது தொடர்பான தகவல்கள் மேல் மாகாண புலனாய்வு தகவல் பிரிவின் அதிகாரிகளுக்கு அறிவிக்கப்பட்டதுடன், கட்டுநாயக்க விமான நிலைய பொலிஸ் போதைப்பொருள் ஒழிப்பு பிரிவில் கடமையாற்றும் பொலிஸ் உத்தியோகபூர்வ நாய்களும் இந்த விசாரணையில் பங்குபற்றியிருந்தன.

இந்த போதைப்பொருள் கடத்தல் தொடர்பில் இதுவரை எவரும் கைது செய்யப்படவில்லை.

இது தொடர்பான மேலதிக விசாரணைகளை கட்டுநாயக்க விமான நிலைய பொலிஸ் போதைப்பொருள் ஒழிப்பு பிரிவு அதிகாரிகள் மேற்கொண்டு வருகின்றனர்.

தொடர்புடைய செய்திகள்:

மாற்றாந்தாயின் கோர முகம் – 17 வயது சிறுமியை அடித்து கொடுமைப்படுத்திய கொடூரம் ஹுலந்தாவ பகுதியில் வர்த்தகரின் வீட்டில் 9 மில்லியன் மற்றும் நகைகளை கொள்ளையடித்த கும்பல் மரத்திலேயே உயிரிழந்த நபர் சீனா மற்றும் இலங்கை ஒத்துழைப்பு தொடர்பான கூட்டு அறிக்கை வெளியீடு