பாதுகாப்பற்றதாக மாறும் ரஷ்ய வான்வெளி – விமான நிறுவனங்களுக்கு ஜெலன்ஸ்கி எச்சரிக்கை
கீவ்வில் ஆளில்லா விமான செயற்பாடுகள் அதிகரித்து வருவதானது ரஷ்ய வான்வெளியை பயன்படுத்தும் ஏனைய விமானங்களுக்கும் ஆபத்தாக அமையும் என உக்ரைன் ஜனாதிபதி வொலோடிமிர் ஜெலன்ஸ்கி எச்சரிக்கை விடுத்துள்ளார்.
கடந்த ஒருவாரக் காலமாக கீவ் மீது ரஷ்யா இடைவிடாத தாக்குதல்களை முன்னெடுத்து வருகிறது.
இந்நிலையில் நேற்றைய தினம் ஆற்றிய உரையில் சர்வதேச விமான நிறுவனங்கள் மற்றும் காப்பீட்டு நிறுவனங்களுக்கு கடுமையான எச்சரிக்கையை விடுத்துள்ளார்.
நான்கு ஆண்டுகளுக்கு முன்பு மொஸ்கோ தொடங்கிய போரின் விளைவுகள் இனி உக்ரேனிய எல்லைக்குள் மட்டும் கட்டுப்படுத்தப்பட முடியாது என்றும், கீவ்வின் பெருகி வரும் ஆளில்லா விமானச் செயல்பாடுகள் விரைவில் ரஷ்ய வான்வெளியைப் பாதுகாப்பற்றதாக மாற்றிவிடும் என்றும் கூறியுள்ளார்.
“முதல் ஏவுகணைகளும் முதல் ஆளில்லா விமானங்களும் ரஷ்யாவிலிருந்துதான் வந்தன, அவை ரஷ்ய வான்வெளியிலிருந்து நமது நாட்டின் எல்லையைக் கடந்தன,” என்று கூறிய ஜெலன்ஸ்கி, “இந்த பதற்ற அதிகரிப்பு உக்ரேனிய எல்லைக்குள் மட்டும் கட்டுப்படுத்தப்பட முடியாது, கட்டுப்படுத்தப்படவும் மாட்டாது” என்றும் கூறினார்.
“இன்று, ரஷ்ய வான்வெளியைப் பயன்படுத்தும் ஒவ்வொரு விமான நிறுவனத்திற்கும், ஒவ்வொரு காப்பீட்டு நிறுவனத்திற்கும், மற்றும் ரஷ்யாவின் முக்கிய விமான நிலையங்களை இன்னும் பயன்படுத்தும் அனைவருக்கும் நாங்கள் எச்சரிக்கை விடுக்க விரும்புகிறோம் என்றும், ரஷ்ய வான்வெளி முற்றிலும் பாதுகாப்பற்றதாக மாறி வருகிறது,” என்றும் அவர் தெரிவித்தார்.
