ஹைதியில் பொலிஸாருடனான மோதலில் ஆயுத குழுவை சேர்ந்த 28 பேர் பலி!

கரீபியன் தீவு நாடான ஹைதியில் கடந்த 2021-ம் ஆண்டு அதிபர் ஜோவெனல் மொய்ஸ் படுகொலை செய்யப்பட்டார். இதையடுத்து, அந்நாட்டில் அரசியல் நிலைத்தன்மையின்றி ஆயுத கும்பலின் ஆதிக்கம் அதிகரி்துள்ளது

ஆயுத கும்பலின் வன்முறை பல மடங்கு அதிகரித்துள்ளது. மேலும் தலைநகர் போர்ட்-ஓ-பிரின்ஸ் உள்ளிட்ட பல இடங்களை ஆயுத கும்பல் தங்களது கட்டுப்பாட்டில் கொண்டு வந்துள்ளது.

இந்நிலையில், அந்நாட்டின் தலைநகர் போர்ட்-ஓ-பிரின்ஸ் அருகே பெடன் வெலி பகுதியில் நேற்று பொலிஸாருக்கும் ஆயுத கும்பலுக்கும் இடையே துப்பாக்கி சண்டை நடைபெற்றது. இந்த மோதலில் ஆயுதக்குழுவை சேர்ந்த 28 பேர் உயிரிழந்தனர்.