விளாடிமிர் புடின் மீது பொருளாதார அழுத்தத்தை அதிகரிக்க பிரித்தானியாவின் சிறப்பு படைகள் ரஷ்ய நிழல் கடற்படையின் எண்ணெய் டேங்கர் கப்பலை கைப்பற்றக்கூடும் என எச்சரிக்கப்பட்டுள்ளது. இதற்கு அமைச்சர்கள் புதிய சட்ட காரணங்களை அடையாளம் கண்டுள்ளதாகவும் தகவல்கள் வெளியாகியுள்ளன. இதன்படி தடைகள் மற்றும் பணமோசடி சட்டத்தின் (2018) கீழ் நாடற்றதாகக் கருதப்படும் கப்பல்களை குறிவைப்பதை அதிகாரிகள் சுட்டிக்காட்டியுள்ளனர். இதேவேளை இதற்கு முன்னதாக வட அட்லாண்டிக்கில் மரைனேரா (Marinera) டேங்கரைக் கைப்பற்றுவதற்கான அமெரிக்க நடவடிக்கைக்கு இங்கிலாந்து ஆதரவளித்திருந்தமையும் குறிப்பிடத்தக்கது.

லண்டனில் அமைக்க உள்ள சீன தூதரகத்தை நிராகரிக்குமாறு தொழிற்கட்சி எம்.பி.க்கள் அரசாங்கத்தை வலியுறுத்தியுள்ளனர். குறிப்பிடத்தக்க பாதுகாப்பு கவலைகளை காரணம் காட்டி, இந்த சர்ச்சைக்குரிய திட்டத்தை நிறுத்துமாறு கோரப்பட்டுள்ளது. இது தொடர்பில் 09 எம்.பிகள் சமூக செயலாளர் ஸ்டீவ் ரீடிற்கு ( Steve Reed) கடிதம் ஒன்றையும் எழுதியுள்ளனர். பிரதமர் சீனாவிற்கு  பயணத்தை மேற்கொள்வதற்கு முன்னதாக தூதரகத்தை அங்கீகரிப்பதற்கான அறிவிப்பு வரக்கூடும் என்று தகவல்கள் வெளியாகியுள்ளது. இந்நிலையிலேயே  மேற்படி அறிவிப்பு வந்துள்ளது.

பிரித்தானியாவில் சட்டவிரோதமாக வேலை செய்வதற்கு எதிரான அமலாக்க நடவடிக்கைகள் அமுலில் உள்ளபோதும்,  சட்டவிரோதமாக வேலை செய்பவர்களின் எண்ணிக்கை கடந்த காலத்தோடு ஒப்பிடும்போது கணிசமாக அதிகரித்துள்ளது. நெயில் பார்கள் மற்றும் டேக்அவே (takeaways) போன்ற இடங்களில் பெரும்பாலானவர்கள் சட்டவிரோதமாக பணிப்புரிவதாக கண்டறிப்பட்டுள்ளது. சட்டவிரோதமாக வேலை செய்ததற்காக கைது செய்யப்பட்டவர்களின் எண்ணிக்கையும் கிட்டத்தட்ட 59 சதவீதம் அதிகரித்துள்ளதாக புள்ளிவிபரங்கள் தெரிவித்துள்ளன. இதன்படி 2025 ஆம் ஆண்டில் மட்டும்  8,971 நபர்கள் கைது  செய்யப்பட்டுள்ளதாக அறிவிக்கப்பட்டுள்ளது. இவ்வாறு சட்டவிரோதமாக வேலை செய்பவர்களை […]