ஜனாதிபதி அனுரகுமார திஸாநாயக்க தனது முதல் அரச விஜயமாக டிசம்பர் 15 மற்றும் 17 க்கு இடையில் இந்தியாவிற்கு விஜயம் செய்யவுள்ளதாக அமைச்சரவை பேச்சாளர் கலாநிதி நலிந்த ஜயதிஸ்ஸ இன்று தெரிவித்தார். அமைச்சரவை முடிவுகளை அறிவிக்கும் வாராந்த மாநாட்டின் போது, ​​ஜனாதிபதி தனது விஜயத்தின் போது இந்திய ஜனாதிபதி மற்றும் பிரதமரை சந்திக்க திட்டமிடப்பட்டுள்ளதாக அவர் கூறினார். வெளிவிவகார அமைச்சர் மற்றும் பிரதி நிதி அமைச்சர் ஆகியோர் ஜனாதிபதியுடன் செல்வார்கள் என கலாநிதி ஜயதிஸ்ஸ தெரிவித்தார்.

மதுரங்குளிய பொலிஸ் பிரிவிற்குட்பட்ட வஜிரவத்தை வீதிச் சந்திக்கு அருகில் உள்ள பேருந்து தரிப்பிடத்தில் சந்தேகத்திற்கிடமான முறையில் உயிரிழந்த நபரின் சடலம் ஒன்று கண்டு பிடிக்கப்பட்டுள்ளது. மதுரங்குளிய பொலிஸ் நிலையத்திற்கு கிடைக்கப்பெற்ற முறைப்பாட்டின் அடிப்படையில் மேற்கொள்ளப்பட்ட விசாரணையில் இன்று (10) அதிகாலை இந்த மரணம் இடம்பெற்றுள்ளதாக தெரியவந்துள்ளது. புத்தளம் வைத்தியசாலையில் அனுமதிக்கப்பட்ட போது அவர் ஏற்கனவே உயிரிழந்திருந்ததாக தெரிவிக்கப்படுகிறது. மதுரங்குளிய பிரதேசத்தில் வசிக்கும் 55 வயதுடைய நபரே உயிரிழந்துள்ளார். மரணம் இடம்பெற்ற விதம் தொடர்பான தகவல்கள் இதுவரை வெளியாகவில்லை […]

இலங்கையில் புதிய டிஜிட்டல் சாரதி அனுமதிப்பத்திரத்திற்கு அமைச்சரவை அனுமதி வழங்கப்பட்டுள்ளது. அதற்கமைய, புதிய டிஜிட்டல் சாரதி அனுமதிப்பத்திரம் விரைவில் அறிமுகப்படுத்த நடவடிக்கை எடுக்கப்படவுள்ளது. தற்போது நடைபெற்று வரும் அமைச்சரவை தீர்மானங்களை அறிவிக்கும் செய்திக் கலந்துரையாடலில் அமைச்சரவை ஊடகப் பேச்சாளர் அமைச்சர் நலிந்த ஜயதிஸ்ஸ இதனைக் குறிப்பிட்டுள்ளார்.