அதுருகிரியில் சுட்டுக்கொல்லப்பட்ட கிளப் வசந்தாவின் மனைவி களுபோவில வைத்தியசாலையில் தீவிர சிகிச்சை பிரிவில் தொடர்ந்தும் சிகிச்சை பெற்று வருகிறார். அவருக்கு நேற்று மீண்டும் அறுவை சிகிச்சை நடந்ததாக மருத்துவமனை வட்டாரங்கள் தெரிவிக்கின்றன. கடந்த 8ஆம் திகதி அதுருகிரிய பிரதேசத்தில் பச்சை குத்தும் நிலையமொன்றை திறக்கச் சென்ற கிளப் வசந்தா எனப்படும் சுரேந்திர வசந்த பெரேரா மற்றும் மற்றுமொரு நபரும் சுட்டுக்கொல்லப்பட்டனர். கிளப் வசந்தாவின் இறுதிக் கிரியைகள் இன்று பிற்பகல் பொரளை பொது மயானத்தில் இடம்பெற்றன.

பென்சில்வேனியாவில் அமெரிக்க முன்னாள் ஜனாதிபதி டொனால்ட் ட்ரம்ப் மேற்கொண்டிருந்த பிரசாரக் கூட்டத்தில் துப்பாக்கிச் சூடு நடத்தப்பட்டது. அச்சம்பவத்தில் துப்பாக்கிச் சூடு நடத்திய நபரும் பார்வையாளர் ஒருவரும் உயிரிழந்துள்ளனர். துப்பாக்கிச் சூட்டைத் தொடர்ந்து மேடையில் இருந்து ட்ரம்ப் அவசரமாக வெளியேற்றப்பட்டார். மேடையை விட்டுச் செல்லும்போது அவரது காதில் ரத்தம் வழிவதைப் படங்களில் காண முடிகிறது. எனினும் ட்ரம்ப் நலமுடன் இருப்பதாகப் பாதுகாப்பு அதிகாரிகள் தெரிவித்துள்ளனர்.

Lஅமெரிக்க ஜனாதிபதி தேர்தல் வேட்பாளர் டொனால்ட் ட்ரம்ப்பின் Facebook, Instagram கணக்குகள் மீதான கட்டுப்பாடுகள் நீக்கப்பட்டுள்ளது. 2021ஆம் ஆண்டு அவரின் ஆதரவாளர்கள் அமெரிக்க நாடாளுமன்றத்தைத் தாக்கியபோது அவரின் கணக்குகள் முடக்கப்பட்டன. வன்முறையில் ஈடுபட்டோரை அவர் சமூக ஊடகத்தில் புகழ்ந்ததாகக் கண்டுபிடிக்கப்பட்ட நிலையில் அவரின் கணக்குகள் தடைசெய்யப்பட்டன. கடந்த ஆண்டு பெப்ரவரி மாதம் அவரின் கணக்குகள் மீதான தடை நீக்கப்பட்டாலும் கட்டுப்பாடுகள் இருந்தன. அமெரிக்க மக்கள் அதிபர் வேட்பாளர்களின் கருத்துகளைத் தெரிந்துகொள்ள வேண்டும் என்பதால் தற்போது தடைகள் நீக்கப்பட்டுள்ளதாக […]