20000 ரூபாய்க்கு விற்பனை செய்யப்பட்டாரா, களுத்துறையில் உயிரிழந்த மாணவி?

களுத்துறையில் 16 வயதுடைய பாடசாலை மாணவியை பிரதான சந்தேகநபருக்கு விற்பனை செய்துள்ளதாக பொலிஸார் சந்தேகம் வெளியிட்டுள்ளனர்.

இச்சம்பவம் தொடர்பில் அண்மையில் கைது செய்யப்பட்ட பிரதான சந்தேகநபரிடம் 16 வயதுடைய பாடசாலை மாணவியை 20000க்கு விற்பனை செய்யுமாறு தனது தோழியுடன் விடுதியில் இருந்த இளைஞன் (22) யோசனை கூறியதாக பொலிஸார் சந்தேகிக்கின்றனர்.

பொலிஸாரின் சந்தேகத்தின்படி பிரதான சந்தேக நபரிடம் குறித்த மாணவியை விற்பனை செய்தமைக்காக 22 வயதுடைய இளைஞன் இந்தத் தொகையில் ஒரு பகுதியைப் பெற்றுள்ளார்.

மே 06 அன்று  களுத்துறையில் உள்ள ரயில் தண்டவாளத்திற்கு அருகில் 16 வயது சிறுமியின் நிர்வாண சடலம் கண்டெடுக்கப்பட்டது. குறித்த மாணவி ஐந்து மாடி ஹோட்டலின் மூன்றாவது மாடியில் இருந்து விழுந்து இறந்ததாக கூறப்படுகிறது.

இதனை தொடர்ந்து களுத்துறை இசுரு உயன பிரதேசத்தில் வசிக்கும் தனுஷ்க கயான் சஹபந்து என்ற 29 வயதுடைய இளைஞர் 09ஆம் திகதி கைது செய்யப்பட்டார். எவ்வாறாயினும் முதற்கட்ட விசாரணைகளின் போது  சந்தேக நபர் அனைத்து கொலைக் குற்றச்சாட்டுகளையும் மறுத்துள்ளமை குறிப்பிடத்தக்கது.

தொடர்புடைய செய்திகள்:

நான்கு வருடங்களில் பின் சஹ்ரானின் மனைவி பிணையில் விடுதலை இலங்கையில் அதிகரிக்கும் காசநோயாளர்கள் : பொதுமக்களுக்கு விடுக்கப்பட்டுள்ள எச்சரிக்கை! இலங்கையில் அடுத்தடுத்து பதிவான இரண்டு நிலநடுக்கங்கள் நெடுந்தீவு கொலை சம்பவம் : நகைகளுக்காக கொலை செய்தேன் – சந்தேகநபர் அதிர்ச்சி வாக்குமூலம்!