ஆல்ப்ஸ் மலை பனிச்சரிவில் சிக்கி இரண்டு இத்தாலியர்கள் பலி

இத்தாலி மற்றும் சுவிட்சர்லாந்தின் எல்லைக்கு அருகில் உள்ள ஆல்ப்ஸ் மலைப்பகுதியில் பனிச்சரிவு ஏற்பட்ட பின்னர் இரண்டு இத்தாலிய மலையேறுபவர்களின் உடல்களை மலை மீட்பு குழுக்கள் கண்டுபிடித்தனர்.

இத்தாலியின் பீட்மாண்ட் பகுதியில் உள்ள வால் ஃபார்மாஸா பகுதியில் சுமார் 2,200 மீட்டர் உயரத்தில் பனிச்சரிவுக்குப் பிறகு ஒரு உடல் பனியில் புதைந்த நிலையில் காணப்பட்டது, மற்றொன்று ஏரியிலிருந்து மீட்கப்பட்டது என்று ஆல்பைன் மீட்புக் குழு CNSAS ஒரு அறிக்கையில் தெரிவித்துள்ளது.

அப்பகுதியில் பலத்த காற்று வீசிய போதிலும் ஹெலிகாப்டர் மூலம் சிறப்பு மீட்புக் குழு சம்பவ இடத்திற்கு அனுப்பப்பட்டது. மீட்புப் பணிகளில் பயிற்சி பெற்ற நாய் ஒன்றும் உடல்களைக் கண்டுபிடிக்க உதவியது.

30 வயதுடைய பெண் மற்றும் 53 வயதுடைய ஆண் ஒருவரும் பலியாகியுள்ளனர் என இத்தாலிய ஊடகங்கள் தெரிவித்துள்ளன.

அவர்கள் வடக்கு இத்தாலியின் லோம்பார்டி பகுதியைச் சேர்ந்தவர்கள்.

தொடர்புடைய செய்திகள்:

ஐந்து வங்கிகளில் சோதனை நடத்திய பிரான்ஸ் அதிகாரிகள்: வெளிவந்த மாபெரும் மோசடி இரண்டு ஆண்டுகளில் ஐந்தாவது நாடாளுமன்றத் தேர்தலில் வாக்களிக்கும் பல்கேரியர்கள் நேட்டோவில் இணையும் பின்லாந்து : ரஷ்யாவின் அடுத்த திட்டம் என்ன? நேட்டோவின் 31 ஆவது உறுப்பினராக பின்லாந்து இன்று (04) இணையவுள்ளது. முன்னதாக ரஷ்யா உக்ரைன் மீது படையெடுத்தபோது, நேட்டோ கூட்டணியில் இணைவதாலேயே சிறப்பு இராணுவ நடவடிக்கையை மேற்கொண்டதாக மொஸ்கோ கூறியது. ஆனால் ரஷ்யாவின் இந்த போர் நடவடிக்கைதான் பின்லாந்து நேட்டோவில் சேர விண்ணப்பித்தமைக்கு காரணமாக மாறியுள்ளது. இதற்கிடையே போரில் உக்ரைன் வெற்றிப்பெற்றவுடன் நேட்டோவில் சேரும் என நேட்டோ தலைவர் ஜென்ஸ் ஸ்டோல்டன் பேர்க் கூறினார். இந்நிலையில், பின்லாந்தில் நேட்டோ உறுப்பினர்களின் படைகள், வளங்கள் நிலைநிறுத்தப்பட்டால் ரஷ்யா இராணுவ பாதுகாப்பை உறுதிப்படுத்த கூடுதல் நடவடிக்கை எடுக்கப்படும் எனத் தெரிவித்துள்ளது. கிழக்கு லண்டனில் ஏற்பட்ட தீ விபத்தில் ஒருவர் உயிரிழந்துள்ளதுடன் ஐவர் காயமடைந்துள்ளனர்