பிரித்தானியாவில் தஞ்சம் கோருவோரின் உண்மையான எண்ணிக்கை!! தவறான கண்ணோட்டத்தில் மக்கள்!

பிரித்தானியாவில் நிகரக் குடியேற்றம் மிகக் குறைந்த நிலையை எட்டியுள்ளதாக அறிவிக்கப்பட்டுள்ளது.

டிசம்பர் 2025-ஆம் ஆண்டு வரையிலான 12 மாதங்களில் இந்த எண்ணிக்கை 171,000 ஆகக் குறைந்துள்ளதாக தேசிய புள்ளிவிபரவியல் அலுவலகம் தெரிவித்துள்ளது.

இந்தக் குறிப்பிடத்தக்க வீழ்ச்சி இருந்தபோதிலும்,  கிட்டத்தட்ட பாதி பிரித்தானியர்கள் (49 சதவீதம்) நிகர குடியேற்றம் அதிகரித்துள்ளதாகத் தவறாக நம்புகிறார்கள்.

வெறும் 16 சதவீதம் பேர் மட்டுமே உண்மையான சரிவைப் பற்றி அறிந்திருப்பதாக பிரிட்டிஷ் ஃபியூச்சர் (British Future) நடத்திய ஒரு கணக்கெடுப்பில் தெரியவந்துள்ளது.

அதேநேரம் பிரித்தானியாவில் தஞ்சம் கோருவோரின்  எண்ணிக்கையை மக்கள் மிகையாக மதிப்பிடுவதாகவும் சுட்டிக்காட்டப்பட்டுள்ளது.

; உண்மையான எண்ணிக்கை சுமார் ஒன்பது சதவீதமாக இருக்கும் நிலையில், அவர்கள் அந்த விகிதத்தை 33 சதவீதமாகக் கருதுவதாக தெரியவந்துள்ளது.