இலங்கை: போலி சோதனை நடத்தி பணம் திருடிய மதுவரித் திணைக்கள அதிகாரிகள் கைது

கொழும்பில் ரூ.102 மில்லியன் திருட்டு குற்றச்சாட்டில் கலால் துறையின் போதைப்பொருள் கட்டுப்பாட்டுப் பிரிவைச் சேர்ந்த ஐந்து அதிகாரிகள் குற்றப் புலனாய்வுத் துறையால் (CID) கைது செய்யப்பட்டுள்ளனர்.

குறித்த அதிகாரிகள் 2025.06.05 அன்று கொழும்பு, செட்டியார்(Chettiar) தெருவில் உள்ள இரண்டு தங்க ஆபரணக் கடைகளில் அதிகாரப்பூர்வ சோதனை நடத்துவதாகக் கூறி பணம் திருடிய குற்றச்சாட்டில் கைது செய்யப்பட்டுள்ளனர்.

சந்தேக நபர்கள் சட்டபூர்வமான சோதனை நடத்துவது போல் இரு தங்க ஆபரணக் கடைகளுக்கு சென்று, அங்கிருந்து 102 மில்லியன் பணத்தை கைப்பற்றி அங்கிருந்த ஏழு ஊழியர்களை கைது செய்து அழைத்துச் சென்றுள்ளனர்.

கைது செய்யப்பட்ட நபர்களில் நான்கு பேரிடம் சட்டவிரோத சிகரெட்டுகள் இருந்ததாக மாளிகாகந்த(Maligakanda) நீதவான் நீதிமன்றில் ஆஜர்படுத்திவிட்டு, கொண்டு செல்லப்பட்ட பணத்தில் சுமார் ஐந்து கோடி ரூபாவை அவர்களுக்குத் திரும்பக் கொடுத்துள்ளமை தெரியவந்துள்ளது.

இந்நிலையில், தீவிர விசாரணைகளுக்கு பிறகு சந்தேக நபர்கள் இன்று வாக்குமூலம் அளிக்க வந்தபோது கைது செய்யப்பட்டுள்ளனர்.