பதற்றம் தணியவில்லை – எகிறியது எண்ணெய் விலை

அமெரிக்கா மற்றும் ஈரான் இடையேயான பேச்சுவார்த்தைகளில் நிலவும் நிச்சயமற்ற தன்மையால் கச்சா எண்ணெய் விலைகள் அதிகரித்துள்ளன.

சர்வதேச நிலவரப்படி, பிரெண்ட் கச்சா எண்ணெய் (Brent futures) விலை பேரலுக்கு 33 சென்ட்கள் (0.45 சதவீதம்) உயர்ந்து $73.28 ஆக வர்த்தகமானது.

அதேபோல், அமெரிக்காவின் வெஸ்ட் டெக்சாஸ் இன்டர்மீடியட் (WTI) கச்சா எண்ணெய் விலை பேரலுக்கு 34 சென்ட்கள் (0.49 சதவீதம்) உயர்ந்து $69.84 ஆக அதிகரித்தது.

சர்வதேச வர்த்தகத்திற்கு முக்கியத்துவமான ஹார்முஸ் நீரிணைப் பகுதியில் ஏற்பட்டுள்ள பதற்றமான சூழல் உலகளாவிய விநியோகத்தை பாதித்துள்ளது.

இதன் எதிரொலியாக, ஜப்பான் மற்றும் சீனாவின் பங்குச்சந்தைகள் ஏற்ற இறக்கத்துடன் காணப்படுகின்றன.

ஆஸ்திரேலியா மற்றும் தென் கொரிய சந்தைகள் சரிவைச் சந்தித்தாலும், வர்த்தகப் பாதைகள் சீரடையும் வரை இந்த சந்தை உறுதியற்ற நிலை தொடரும் என்று நிபுணர்கள் கருதுகின்றனர்.

அமைதி நிலவினால் மட்டுமே எண்ணெய் விலையில் மீண்டும் சரிவு ஏற்படும் என பொருளாதார ஆய்வாளர்கள் எச்சரிக்கின்றனர்.