விரைவில் மாலத்தீவு-இலங்கை இடையே வான் ஆம்புலன்ஸ் சேவை ஆரம்பம்
மாலத்தீவுக்கும் பண்டாரநாயக்க சர்வதேச விமான நிலையத்திற்கும் இடையிலான வான் அம்புலன்ஸ் சேவை இந்த ஆண்டு மார்ச் 1 ஆம் திகதி முதல் கட்ட வேலைத்திட்டத்தின் ஒரு பகுதியாக ஆரம்பிக்கப்படும் என துறைமுகங்கள், கப்பல் மற்றும் விமானப் போக்குவரத்து அமைச்சர் நிமல் சிறிபால டி சில்வா தெரிவித்தார்.
மாலைதீவு போக்குவரத்து மற்றும் விமான சேவைகள் அமைச்சர் கப்டன் மொஹமட் அமீன் மற்றும் அமைச்சர் நிமல் சிறிபால டி சில்வா ஆகியோருக்கு இடையில் இன்று அமைச்சின் அலுவலகத்தில் இடம்பெற்ற விசேட சந்திப்பின் பின்னர் இரு நாடுகளுக்கும் இடையில் வான் அம்புலன்ஸ் சேவையை ஆரம்பிக்கும் நோக்கில் இந்த அறிவிப்பு வெளியிடப்பட்டுள்ளது.
விபத்துக்கள், நோய்கள் மற்றும் பிற சுகாதார அவசரநிலைகளில் அவசர மருத்துவ சிகிச்சைக்காக மாலத்தீவு குடிமக்கள் உடனடியாக இலங்கைக்கு வருவதற்கு இந்த சேவை உதவும். முன்னதாக, மாலத்தீவு குடிமக்கள் அவசர மருத்துவ சிகிச்சைக்காக இந்தியாவுக்கு கொண்டு செல்லப்பட்டனர்.
“இருப்பினும், இலங்கையில் அவசர சிகிச்சையின் தரத்தை கருத்தில் கொண்டு, எதிர்காலத்தில் அத்தகைய நோயாளிகளை இலங்கை மருத்துவமனைகளுக்கு அனுப்ப மாலைதீவு அரசாங்கம் முடிவு செய்துள்ளது” என்று மாலைதீவு போக்குவரத்து மற்றும் விமான சேவைகள் அமைச்சர் கூறினார்.
இதற்காக விமான நிலைய அதிகாரிகள் மற்றும் சிவில் விமானப் போக்குவரத்து அதிகாரசபைக்கு தேவையான அனைத்து அனுமதிகளையும் அமைச்சர் வழங்கியுள்ளதுடன், அமைச்சின் செயலாளர் கே.டி.எஸ். ருவன்சந்திரா, விமான நிலையத்தில் ஒரு பிரத்யேகப் பிரிவை நிறுவி, அனைத்து அத்தியாவசிய வசதிகளுடன் அது பொருத்தப்பட்டிருப்பதை உறுதி செய்ய வேண்டும்
(Visited 1 times, 1 visits today)
