100 மில்லியன் அமெரிக்கர்களுக்கு விடுக்கப்பட்டுள்ள எச்சரிக்கை!

அமெரிக்கர்களில் 100 மில்லியனுக்கும் அதிமாக மக்களை காற்றின் தரத்தைக் கவனிக்கும்படி எச்சரிக்கை விடுக்கப்பட்டுள்ளது.

கனடாவின் காட்டுத்தீயால் புகைமூட்டம் இருநாட்டு எல்லையைச் சூழ்ந்துள்ளது. அமெரிக்காவின் பல பகுதிகளில் ஆரோக்கியமற்ற நிலை நீடிக்கிறது.

அமெரிக்காவின் கிழக்குக் கடற்பரப்பிலிருந்து மத்திய மேற்குப் பகுதி வரை புகைமூட்டம் பரவியுள்ளது.

டெட்ராய்ட் (Detroit), பிட்ஸ்பர்க் (Pittsburgh) போன்ற நகரங்களில் காற்றின் தரம் மோசமாக உள்ளது. வார இறுதியில், காற்றின் தரம் சற்று மேம்படக்கூடும் என குறிப்பிடப்படுகின்றது.

மத்திய மேற்குப் பகுதியில் தொடரும் இடியுடன் கூடிய மழையும் புகையை வெளியேற்ற உதவலாம் என்று கணிக்கப்பட்டுள்ளது.

புகைமூட்டம் எப்போது முற்றிலும் மறையும் என்பது தெளிவாகத் தெரியவில்லை என்று அதிகாரிகள் எச்சரித்துள்ளனர். அமெரிக்கர்கள் காற்றுத் தரக் குறியீடுகளைப் பார்க்கும்படிக் கேட்டுக்கொள்ளப்படுகின்றனர்.

வெளிப்புற நடவடிக்கைகளைக் குறைத்துக்கொள்ளுமாறு அதிகாரிகள் பரிந்துரைத்துள்ளனர். சுவாச நோய்களால் பாதிக்கப்படுபவர்கள் வெளியில் செல்லும்போது முகக்கவசம் அணிந்துகொள்ளுமாறு அறிவுறுத்தப்பட்டுள்ளது. கனடா அதன் ஆக மோசமான காட்டுத்தீ பருவத்தைக் கையாளப் போராடுகிறது.

தொடர்புடைய செய்திகள்:

குழந்தை பாலியல் வன்கொடுமை தொடர்பான 96 குற்றச்சாட்டுகளை எதிர்கொள்ளும் டொராண்டோ நபர் அமெரிக்காவில் மகள் திருமணம்; விசா இன்றி கலந்து கொண்ட இந்திய பெற்றோர்..! அமெரிக்க பல்லைக்கழக மாணவர்கள் சேர்க்கை தொடர்பில் நீதிமன்றம் அதிரடி உத்தரவு! உல்லாசக் கப்பலின் 10வது தளத்தில் இருந்து தவறி விழுந்த பெண் மீட்பு