இலங்கையில் சுனாமி அபாயம் தொடர்பில் ரிங்டோன் அறிமுகம்!
சுனாமி அபாயம் தொடர்பில் பொதுமக்களுக்கு தெரிவிக்கும் வகையில் கையடக்கத் தொலைபேசிகளுக்கான ரிங்டோனை அறிமுகப்படுத்த அனர்த்த முகாமைத்துவ நிலையம் நடவடிக்கை எடுத்துள்ளது.
இலங்கையில் 99.9 வீதமான மக்கள் கையடக்கத் தொலைபேசியை வைத்திருப்பதால், சுனாமி அபாயம் தொடர்பில் கையடக்கத் தொலைபேசியின் ரிங்டோன் மூலம் அவர்களுக்கு தெரிவிக்கப்படுமென, அனர்த்த முகாமைத்துவ நிலையத்தின் பணிப்பாளர் நாயகம் மேஜர் ஜெனரல் (ஓய்வுபெற்ற) சுதந்த ரணசிங்க தெரிவித்துள்ளார்.
அத்தோடு, தொலைபேசி நிறுவனங்கள் இணைந்து இந்தப் பணியைச் செய்து வருவதாகவும், அவர் தெரிவித்துள்ளார்.
பெரும்பாலானோர் அதிகாலை ஒரு மணி முதல் 4.00 மணி வரை உறங்கிக் கொண்டிருப்பதால், அந்த நேரத்தில் சுனாமி அபாயம் தொடர்பில் தகவல் கிடைத்தால், அனைத்து கையடக்கத் தொலைபேசிகளிலும் ஒலிக்கும் முறைமை தயார் செய்யப்படுமென்றும், பணிப்பாளர் நாயகம் தெரிவித்துள்ளார்.
இதேவேளை, நாட்டின் கரையோரப் பிரதேசங்களில் அமைக்கப்பட்டுள்ள சுனாமி எச்சரிக்கை சமிக்ஞை கோபுரங்கள் செயலிழந்தால், எதிர்காலத்தில் ஆபத்தான நிலைமை ஏற்படக்கூடுமென சிரேஷ்ட பேராசிரியர் அதுல சேனாரத்ன தெரிவித்திருந்தார்.
(Visited 1 times, 1 visits today)
