தேர்தலுக்கு தேவையான நிதியை நிதியமைச்சு வழங்காது – நீதிமன்றத்தை நாட தயார் என எச்சரிக்கை!

உள்ளூராட்சிமன்றத் தேர்தலை  நடத்துவதற்கான போதிய நிதியை நிதியமைச்சு வழங்கும்  என கருதவில்லை என்று இலங்கை தேர்தல்கள் ஆணைக்குழுவின் தலைவர் நிமால் ஜி புஞ்சிவேவ தெரிவித்துள்ளார்.

நீதிமன்றம் உத்தரவிட்டபடி நிதியமைச்சு உரிய நிதியை வழங்கும் என கருதவில்லை என தெரிவித்துள்ள அவர் இதன் காரணமாக மீண்டும் நீதிமன்றத்தை நாடவேண்டியிருக்கும் எனவும் எச்சரிக்கை விடுத்துள்ளார்.

எனினும் நீதிமன்றத்திடம் மீண்டும் செல்லும் நடவடிக்கையை ஏற்கனவே மனுதாக்கல் செய்தவர்களே முன்னெடுக்கவேண்டும் எனவும் அவர் சுட்டிக்காட்டினார்.

திறைசேரி நீதிமன்றத்தின் உத்தரவை தொடர்ந்தும் நிராகரித்து வருவதால் இது தொடர்பில் மேலதிக நடவடிக்கைகளிற்காக ஐக்கிய மக்கள் சக்தி நீதிமன்றத்தை நாடினால் தேர்தலை நடத்துவதற்காக அரசமைப்பின் மூலம் ஆணை வழங்கப்பட்ட நாங்கள் எங்கள் தரப்பு நியாயத்தை நீதிமன்றத்தின் முன்னிலையில் சமர்ப்பிக்க தயார் என புஞ்சிவேவா குறிப்பிட்டுள்ளார்.

தொடர்புடைய செய்திகள்:

வருடத்தில் இரு சந்தர்ப்பங்களில் மின் கட்டணங்களில் திருத்தம் மேற்கொள்ள நடவடிக்கை! வெசாக் காண கொழும்புக்கு வரும் மக்கள் வாகனம் நிறுத்தும் இடங்கள் மருத்துவமனையில் ஒக்சிஜன் சிலிண்டர்கள் திருட்டு கொழும்பில் நடந்த கோர விபத்து – அதிஷ்டவசமாக உயிர் தப்பிய பயணிகள்