இஸ்ரேல் மீதான ஆயுதத் தடைக்கு ஸ்பெயின் பாராளுமன்றம் ஒப்புதல்

காசாவில் நடந்த இனப்படுகொலைக்கு பதிலளிக்கும் விதமாக, இஸ்ரேல் மீது முழுமையான ஆயுதத் தடையை விதிக்கும் சட்டத்தை ஸ்பெயின் பாராளுமன்றம் நிறைவேற்றியுள்ளது.

காசா மீதான இரண்டு ஆண்டுகாலப் போரின் போது இஸ்ரேலின் நடத்தையை உலக அரங்கில் மிகவும் விமர்சித்தவர்களில் ஒருவரான ஸ்பெயின் பிரதமர் பெட்ரோ சான்செஸ் செப்டம்பரில் அறிவித்த ஆணைக்கு சட்டமியற்றுபவர்கள் 178க்கு 169 என்ற வாக்குகளுடன் ஆதரவை தெரிவித்துள்ளனர்.

இந்த தடை போர் தொடங்கியதிலிருந்து நடந்து வரும் “நீண்ட செயல்முறையின் இறுதிப் படி” என்று பாதுகாப்பு அமைச்சர் மார்கரிட்டா ரோபிள்ஸ் குறிப்பிட்டுள்ளார்.

மேலும், ஸ்பெயினின் பொருளாதார அமைச்சர் கார்லோஸ் குயர்போ, இந்த தடையை “சர்வதேச மட்டத்தில் ஒரு உறுதியான நடவடிக்கை மற்றும் முன்னோடி” என்று ஆதரித்துள்ளார்.