அமெரிக்காவில் நீதிமன்ற வாசலில் தீக்குளித்த நபர் உயிரிழப்பு
டொனால்ட் டிரம்பின் வரலாற்று சிறப்புமிக்க ஹஷ்-பண வழக்கு விசாரணை நடைபெற்று வரும் நியூயார்க் நீதிமன்றத்திற்கு வெளியே தீக்குளித்த நபர் உயிரிழந்துள்ளார்.
முன்னாள் அமெரிக்க ஜனாதிபதியின் முதல் குற்றவியல் விசாரணை நடைபெறும் நீதிமன்றத்திற்கு வெளியே அமைக்கப்பட்டிருந்த தொலைக்காட்சி கேமராக்களில் இந்த சம்பவம் பதிவாகியுள்ளது.
நியூயோர்க் நகர பொலிஸை மேற்கோள்காட்டி, அந்த நபர் அழைத்துச் செல்லப்பட்ட மருத்துவமனை அவர் இறந்துவிட்டதாக அறிவித்தது.
30 வயதுக்கு மேற்பட்ட அந்த நபர் ஆபத்தான நிலையில் இருப்பதாக அதிகாரிகள் முன்னதாக கூறியிருந்தனர்.
அந்த நபர் ஒரு முதுகுப்பையில் இருந்து துண்டு பிரசுரங்களை வெளியே எடுத்து காற்றில் எறிந்துவிட்டு திரவத்தை ஊற்றி தீக்குளித்ததாக நேரில் பார்த்தவர்கள் தெரிவித்தனர்.
அந்த துண்டு பிரசுரங்களில் ஒன்று “தீய கோடீஸ்வரர்கள்” பற்றிய குறிப்புகளை உள்ளடக்கியது.
புளோரிடாவின் செயின்ட் அகஸ்டினைச் சேர்ந்த மேக்ஸ் அஸ்ஸரெல்லோ என அடையாளம் காணப்பட்ட அந்த நபர், டிரம்ப் அல்லது விசாரணையில் ஈடுபட்ட மற்றவர்களை குறிவைத்ததாகத் தெரியவில்லை என்று நியூயார்க் காவல் துறை கூறியது.
“இப்போது நாங்கள் அவரை ஒரு சதி கோட்பாட்டாளர் என்று முத்திரை குத்துகிறோம்” என்று காவல் துறையின் துணை ஆணையர் தாரிக் ஷெப்பர்ட் ஒரு செய்தி மாநாட்டில் கூறினார்.
(Visited 4 times, 1 visits today)
